[A:27]pa/ rje btsun rin po ches mdzad pa'i rgyud kyi mngon par rtogs pa rin po che'i ljon shing / de gnyis kyi stong thun sa bcad/ yab kyi bstod pa daNDa ka /yum gyi bstod pa dri ma med pa'i rgyan rnams grags pas mdzad pa/ bdag med bstod pa'i 'grel pa sa paN gyis mdzad pa ste kun tu dgos pa'i gzhung bdun du grags pa rnams thugs la bzung nas rgyug 'bul ba sogs mdzad cing / de rnams kyang thugs la bzung lo tsam ma yin par tshig don gyi go ba dang / mtha' dpyod sogs mthil phyin par mdzad pa yin no/ /gzhan yang thar rtse rang du bzhugs pa'i phyag dpe rnams la chung ngu'i dus lta rtog ma byas pa med ces rje rang gi zhal snga nas gsungs zhes thos la/ gong du smos pa'i gzhung de rnams thugs 'dzin gnang ba'i tshe'ang nyin rer shog bu mda' tshad ma bzhi re chag med du thugs la bzung ba sogs gzhon nu'i dus nas mkhyen rab kyi klong chen po brdol ba yin no/ /der ma zad sku na chung ngu'i dus dge rgan sogs skul lcag zhu mkhan su yang med rung / sngon byang chub sems dpa' rtag tu ngus sher phyin gyi chos tshol ba na/ bza' ba dang btung ba la sogs pa ci'ang yid la mi byed par shes rab kyi pha rol tu phyin pa 'ba' zhig yid la sems pa ltar/ dus thams cad du le lo dang / rnam g.yeng med par yang srid kun tu goms pa'i brtson 'grus kyi brtun pa drag pos phyag dpe'i gzigs rtog kho na las skad cig kyang g.yel ba med pa yin te rje rang gi zhal nas kyang / nged chung ngu'i dus sa skyar chos zhu sogs la bgrod skabs kyang / nyin mo dbang lung zhu ba sogs kyis dpe cha lta long ma byung rung / mtshan mo snang gsal gyi ngos su shog ldeb re ma chag