[A:28]par blo la bzung ba yin zhes gsung ngo zhes thos la/ rtogs pa'i yon tan gyi dbang du byas na'ang / dgung lo bcu gnyis par son pa'i skabs shig tu/ e wa~M thar rtse'i gzim chung bsam gtan yang rtser grags pa'i rten gsum rnams la mchod bsham zhig mdzad pa'i tshe/ phyi rol gyi snang ba thams cad sems las logs na med cing / sems de'ang skye 'gag gnas gsum dang bral zhing / kha dog dang dbyibs su ma grub pa'i stong pa dang / gsal ba zung du 'jug pa'i gnas lugs brjod pa'i yul las 'das la/ de nyid thabs kyis zin ma zin gyi rkyen gyis 'khor 'das kyi rgyu so sor byed pa'o snyam pa thugs rgyud la 'khrungs shing / de phyin chad bya ba gang la'ang lta ba brjod bral gyi rtsi dang ma bral ba yin zhes rje 'di nyid kyi zhal slob rdzun med pa dag gi ngag las thos la/ yang 'ga' zhig gis ni/ sku chung ngu'i dus cung zad cig bsnyun par gsol sman sogs kyis rim dwangs su gyur te/ de'i rkyen gyis dbu ma'i lta ba phyin ci ma log pa thugs rgyud la 'khrungs pa yin zhes zer ro/ /gzhan yang de skabs su ma 'ongs pa na bod chen po'i ljongs su byon nas bstan 'gro'i don mdzad dgos pa'i rtags kyang shin tu gsal ba mang po byung bar mngon no zhes 'ga' zhig gis gleng ngo / /don de rnams la dgongs nas stobs kyi 'khor los sgyur ba sde dge bla chen rigs ldan chen po byams pa kun dga' sangs rgyas bstan pa'i rgyal mtshan gyis mdzad pa'i rje 'di'i rnam thar gsol 'debs byin rlabs char rgyun 'jo ba'i sprin phung las kyang / mgon pos byang chub mngon du mdzad zin kyang / /'gro mang rnam grol go sar dbugs dbyung phyir/ /pad dkar 'dzin pas