[A:29]byin brlabs gangs ri'i ljongs/ /mkhas pa brang ti'i gdung du 'khrungs la 'dud/ /gzhon nu'i dus nas byis pa'i spyod las 'das/ /sngon gnas rjes dran rigs drug sdug bsngal gzigs/ /nad kyis gdung bar rten 'brel sman gyis gsos/ /snang sems chos kun sems su rtogs la 'dud/ /yi ge'i phyi mo sum cu gzigs tsam gyis/ /tshig don ma lus thugs chud mgon po khyod/ /thun min gdul zhing bod chen rgyal khams nyid/ /rten 'byung gsal bar gyur pa de la 'dud/ /rgyal ba'i dgongs don ma 'khrul ston pa'i mchog /rgyal ba gnyis pa sa skya'i gong ma lnga/ /rgyal bas lung bstan ngor chen rdo rje 'chang / /'khrul zad bzhed srol mchog der zhugs la 'dud/ /ces sogs gsungs pa yin no/ /'phags rnams srid par gnas bcas kyang / /'khor ba'i skyon gyis reg min te/ /padmo 'dam las skyes gyur kyang / /'dam gyi dri mas bsgos pa med/ /gzhon nu nyid nas legs byas kyi/ /yon tan mang pos dam bzung ba/ /mthong tshe nyi dang zla bas kyang / /spro ba'i 'od zer 'byin pa 'dra/ /'og min gnyis pa'i dga' tshal na/ /zhabs kyi me tog rnam bkod pas/ /dkar phyogs skyong ba'i sbrang rtsi'i bu'i/ /snying la rab dga'i rgyal mtshan tshugs/ /mkhyen rab snang ba'i mu khyud can/ /shes bya'i mkha' la rgyu mthong nas/ /gti mug mun pa rnam skrag ste/ /sa lha'i phang par thim mam snyam/ /ring nas mdza' ba mi phyed pa'i/ /lta ba'i mchog gyur dbu ma yang / /yid kyi bag mar son pa'i mod/ /dngos 'dzin 'khrul pa'i gdon kun zhi// //spyi don gnyis pa rten rnam par dag pa'i ched du rgyal ba'i bstan pa rin po che'i