[A:63]stsol ba sogs zhi bar ma gshegs kyi bar chag med dang / khyad par nga'i bla ma bzhugs pa'i gzim chung gi steng du ganydzi ra dang rgyal mtshan sogs med pas mi 'ong gsungs nas/ rje 'di dgung lo bcu drug par phebs pa'i tshe gser zangs las grub pa'i ganydzi ra gcig dang / rgyal mtshan gnyis rnams stsal nas rten 'brel gyi gnad 'ga' zhig dang bcas te gza' skar legs 'dzom gyi nyin pho brang gi yang steng du btsugs pas/ zhag bdun tsam gyi bar la 'ja' zug pa skye bo dad pa can phal cher gyis mthong ba yin zhes grwa rgan blo gzu bor gnas pa 'ga'i ngag sgros las 'byung la/ gzhan yang sman 'dam las grub pa'i gur/ zhal/ lha mo/ stag zhon rnams kyi sku dang / bse 'bag gi zhal chu las grub pa'i zhal 'bag dang bcas pa deng sang thar rtse rang gi mgon khang du bzhugs pa 'di rnams stsal ba sogs mdor na chos dang zang zing gnyis ka'i bka' drin tshad med pas bskyangs shing / rje 'di'i mtshan la'ang / dpal ldan mkhas grub/ yid bzhin dbang rgyal/ bzang po lhun grub/ nam mkha' 'chi med dang bzhi stsal te ma 'ongs pa na bstan pa dang sems can la phan thogs bzang po 'byung ba'i lung bstan gyis gzengs bstod par yang mdzad do zhes thos shing / yang blo gzu bor gnas pa phal cher gyis ni/ 'jam mgon kun dga' blo gros par ngor chen rdo rje 'chang gis zhal gzigs te khyod la slob ma bstan 'dzin gyi skyes bu khyad par du 'phags pa zhig 'byung bar 'gyur ro/ /zhes lung bstan byung ba de ni rje 'di yin par gdon mi za zhing / de la brten nas 'jam mgon kun dga' blo gros kyis gsung ngag rin po che lam 'bras bu dang bcas pa'i bstan pa mtha' dag rje 'di