[A:77]tan gyi/ /nor bu'i gling la dbang bsgyur ba'i/ /mkhan slob dge 'dun bcas pa las/ /bsnyen par rdzogs pa'i bdud rtsi blangs/ /de tshe zhi dang nyer zhi'i chus/ /thugs kyi bum bzang rab bkang bas/ /nyes par spyod pa'i dri ma rnams/ /skrag nas phyogs brgyar bros pa bzhin/ /mdzes par byas so padmo'i tshal/ /nyin mor byed pa'i 'od kyis te/ /lhar bcas 'jig rten thams cad kyang / /gang gi grags pa'i rgyan gyis so/ /phyi nang rig pa'i sprin gyi lam/ /mkhyen rab dgu tshigs kyis bcings pa/ /'jam dpal kho na'i rjes 'gro ste/ /gzhan pa'i dper 'os ga la rnyed/ /a ho lhag pa'i lha mang po/ /bsnyen cing sgrub pa'i lde mig gis/ /mchog thun grub pa'i bang mdzod kyi/ /sgo 'phar mtha' dag yangs por phyes/ /khyad par 'jigs bral bi rU pa/ /slar yang ljongs 'dir byon pa bzhin/ /zab rgyas chos kyi sman chen pos/ /'khor ba'i rims nad thams cad 'phrog/ //spyi don gsum pa yon tan bsam gyis mi khyab pa dang ldan pa'i phyir bstan pa'i bdag po chen por mnga' gsol nas bstan pa dang sems can gyi don rlabs po che ji ltar mdzad pa'i tshul la/ thog mar chos kyi rgyal srid chen por mnga' gsol ba'i tshul dang / de nas bstan 'gro'i don ji ltar mdzad pa'i tshul gnyis las/ dang po ni/ chos kyi rje 'dis ni mkhyen brtse nus gsum gyi yon tan mtha' dag bdag gir mdzad pa la brten nas/ de dus kyi mkhas btsun bzang gsum gyi khrod na ji ltar rin po che'i gling du yid bzhin gyi nor bu rin po che ltar ches khyad par du 'phags par