[A:78]gyur pas/ blo gzu bor gnas pa thams cad kyis da ni rje 'di kho na bstan pa'i bdag po chen por mnga' gsol bar 'os so zhes gleng bar byed cing / de nas rim pa bzhin e wa~M pa'i bla khag khang tshan dang bcas pa rnams phan tshun gcig gis gcig la bgros te/ dpal sa skya'i 'jam mgon dbang sdud snying po'i gser snyan rin po cher spron pa na/ des kyang bka' mchid rin po che dbyangs kyi rgyal mo'i rgyud mangs nas drangs pa lta bu dpal phyogs thams cad las rnam par rgyal ba gzhung sa dga' ldan pho brang pa chen por gsol bar mdzad cing / de ltar gsol ba na gzhung sa mchog nas kyang / rje 'di la rgyal ba'i lung gis zin pa'i ngor chen kun dga' bzang po'i chos kyi khrir zhabs bkod de/ zab pa dang rgya che ba'i chos kyi gru char lhug par phob la gdul bya rnams kyi rnam par grol ba'i lo tog rgyas par gyis shig /ces bka' stsal rin po che gser gyi cod pan lta bu shin tu lci ba spyi bor phebs pa dang chab cig /dpal sa skya'i 'jam mgon chen pos kyang bka' lung rin po che lha'i rnga bo che ltar ldir ba dang / ngor pa'i bla grwa tshang mas kyang gus phyag gi phreng ba rab tu brtsegs pa'i sgo nas mgrin gcig tu gsol ba phur tshugs su btab pa na/ spyir de skabs kun tu bal bod dmag 'khrugs kyi 'ur zing shin tu che bas bstan 'gro'i don bya ba'i dus su ma gyur kyang / sngon bdag cag gi ston pas byang chub tu thugs bskyed cing zhing bzung ba'i tshe/ de bzhin gshegs pa gzhan rnams kyis yongs su spangs pa'i snyigs ma lnga bdo ba'i dus su 'tshang rgya bar smon lam btab pa ltar/ rje 'dis kyang rnam 'dren gzhan gyis yal bar dor ba'i dus 'di lta bur rang nyid kyis bstan pa dang sems