[A:79]can la ci nus kyis phan gdags par bzhed nas zhal gyis bzhes te/ legs sbyar gyi skad du sa mya zhes pa bod skad du zhi ba ste ljongs 'dir dbang thang dang bstun pa'i ming sa mo bya'i lor grags pa'i hor zla bcu pa'i gral tshes nyer lnga'i nyin dpal e wa~M chos ldan gyi gandho la chen por/ sa skya'i sku tshab dang / ngor gyi bla brang khag rnams dang / dge 'dun 'dus pa rgya mtsho'i tshogs dang bcas pa sprin gyi phung po gtibs pa lta bu'i dbus su/ snyigs dus kyi rgyal ba gnyis pa ngor chen rdo rje 'chang chen pos mdo dang sngags kyi chos 'khor rgyun chad med par bskor ba'i gnas/ mi 'jigs pa bzhi dang ldan pa'i brdar seng ge chen po brgyad kyis mngon par bteg pa'i chos kyi khri 'phang mthon por/ zhabs mthil padma rA ga zhu ba'i khu bas lan brgyar byugs pa la co 'dri ba la/ slar yang bkra shis pa'i ri mos mdzes par 'khyud pa gang de rnam par bkod de/ rdo rje skyil mo krung gis bzhugs shing sku lus drang por srong ba la sogs pa rnam par snang mdzad kyi chos bdun dang ldan pa'i brtul zhugs su gnas pa na/ thog mar sa bzang 'phags pas ngor chen rdo rje 'chang chen pos stsal ba'i chos dung dang / gsung ngag lam 'bras kyi glegs bam/ bkra shis pa'i rdzas brgyad la sogs pa sngon du 'gro ba'i sgo nas dpal ldan sa skya'i legs 'bul dang / ngor gyi bla brang khag rnams dang / khang tshan so so/ gra rigs sbyin bdag dang bcas pa rnams nas rang rang gi 'byor ba dang bstun pa'i legs 'bul gyi dngos po rgya che ba 'phags pa kun tu bzang po'i rnam par thar pa la 'gran pa lta bu'i sgo nas/ dper na 'khor los sgyur ba'i rgyal po la rgyal srid rin po che rnam pa bdun