[A:272]chos stsal ba'i rim pa'ang / dgung grangs re dgu pa shing 'brug lor 'jam pa'i dbyangs ngag dbang legs grub pas gsol ba btab pa'i ngor/ grub chen a bha yas bkral ba'i rdo rje phreng ba dge legs su byed pa'i dkyil 'khor gsum dang bcas pa rnams kyi dbang bskur ba dang / grub chen brgyad cu rtsa bzhi'i byin rlabs dang / blo sbyong don bdun ma'i khrid dang / blo sbyong zhen pa bzhi bral gyi khrid dang / ngor chen dkon mchog lhun grub kyi bka' 'bum gyi lung dang bcas pa rnams dang / gzhan yang dbang dang rjes gnang zur bka' 'ga' zhig dang / sgrub thabs brgya rtsa'i rjes su gnang ba rnams stsal/ dgung grangs bdun cu pa shing sbrul lor don du gnyer ba 'ga' zhig gi ngor/ kye rdo rje bka' babs bzhi'i dbang dang / lam 'bras pod dmar ser gyi lung dang / blo sbyong glegs bam gyi lung la sogs pa stsal/ 'di lo mdo khams nas rje 'di'i dbon zhabs drung rin po che 'jam dbyangs nam mkha' rgyal mtshan pa'ang e wa~M du phebs/ dbus gtsang thams cad du bsnyen bkur dang 'bul ba sogs gya nom pa mdzad/ dgung grangs don gcig pa me rta lor/ bstan pa'i snang byed dam pa zhabs drung rin po che 'jam dbyangs nam mkha' rgyal mtshan pa'i dbus bdag cag rnams kyis gsol ba btab pa'i ngor/ gsung ngag rin po che lam 'bras slob bshad kyi smin grol cha lag dang bcas pa yongs su rdzogs pa bka' drin chen pos stsal/ dgung grangs don gnyis pa me lug lo dang / don gsum pa sa sprel lo gnyis su dbang dang rjes gnang zur bka' re zung las bka' chos che rigs ma stsal/ sa sprel lo mdo khams