[A:273]nas mkhan chen rdo rje 'chang rnal 'byor 'jam dpal bzang po dang / 'jam pa'i dbyangs mkhyen brtse'i dbang po bcas kyang ris su med pa'i dgon khag so sor 'bul ba dang bsnyen bkur gya nom pa mdzad bzhin pa'i sgo nas e wa~M du phebs/ dgung grangs don bzhi pa sa bya lor/ bdag cag rnams kyis gsol ba btab pa'i ngor/ nA ro mkha' spyod ma'i smin grol yongs su rdzogs pa dang / dpal ldan don grub pa'i bka' 'bum gyi lung la sogs pa'i bka' chos 'ga' zhig stsal/ 'di lo zhabs drung dbon rin po che 'jam dbyangs nam mkha' rgyal mtshan pa'ang mdo khams su phebs/ dgung grangs don lnga pa lcags khyi lor kun gzigs 'jam pa'i dbyangs mkhyen brtse'i dbang pos gsol ba btab pa'i ngor/ gshed dmar lha lnga'i smin byed kyi dbang dang / grol byed spros med kyi khrid dang bcas pa dang / gzhan yang 'jigs byed lha bcu gsum ma'i dbang dang / rjes gnang zur bka' 'ga' zhig stsal/ dgung grangs don drug pa lcags phag lor lo snga ma'i nang nas mgul blo lta bus bsnyun yun cung zad ring zhing sku mdangs zhan par thar rtse rang nas kyang zhabs brtan dang gsol sman gyi 'phrod bzhes sogs nar mar phul cing / lhag par kun gzigs bla ma 'jam dbyangs mkhyen brtse'i dbang pos yon sbyar te/ mkhas btsun grub pa'i gtsug rgyan rdo rje 'dzin pa ngag dbang legs grub dpon slob rnams kyis sgrol dkar 'od zer drug sbrag gi sgrub mchod gnad smin mtha' rten dU rba'i sbyin sreg dang bcas pa mdzad de/ kun gzigs bla mas zhabs brtan 'bul mtshon dang lhan cig tshe rdzas phul skabs rje bla ma nyid kyang