[A:275]pa'i dbyangs a ra pa tsa lha lnga dang / phyag rdor 'chi 'joms dang / 'jigs byed rwa lugs lha dgu dang / gsang ba 'dus pa 'jam pa'i rdo rje dang / bde mchog nag po pa dang / kye rdo rje bka' babs bzhi rnams kyi dbang bskur ba dang / rjes gnang zur bka' 'ga' zhig dang / klu sgrub rgya mtshos mdzad pa'i lam 'bras slob bshad pod dang / ngag dbang brtan rdor gyis mdzad pa'i lam 'bras tshogs bshad dang / mus chen bka' 'bum rnams kyi lung dang / khro bcu'i rjes gnang sngon du 'gro ba'i rdo rje brag rdzong ma'i phyi khrid dang / mgon pod me 'bar ma dang / kha skong dang / snyan brgyud dang / yang skong dang / dud sol ma'i dpe bum rnams kyi lung rnams bka' drin chen po'i sgo nas stsal ba dang / gzhan yang de skabs rnams su sku rten gsar bzhengs dang / thar rtse rang gi lha khang khag rnams la snga phyir rab tu gnas pa lan bzhi tsam mdzad pa dang / nor bum dang / klu bum dang / sa bdag snying gter rnams kyi bum pa mang po tshul bzhin du bsgrubs par mdzad de/ yul phyogs so sor sba ba sogs bstan pa dang sems can gyi don kho na las nam yang g.yel ba mi mnga' ba yin no/ /mgon khyod bsod nams spel ba'i slad/ /gtong ba'i sgo brgya dbye 'dis ci/ /gdod nas sbyin pa'i pha rol phyin/ /yongs su rdzogs par byas min nam/ /'on te sems dpa' che rnams kyis/ /spyod tshul gzhan la slob pa'i phyir/ /snying po med pa'i nor rnams kyang / /snying po dam pa'i dpal la sbyar/ /rang nyid srid zhi thams cad kyi/ /mchod sdong mtshungs pa med brnyes kyang / /da dung rgyal ba'i bstan pa la/ /gus pa'i srid zhu ci yang mdzad/ /gdul bya'i blo gros dang 'tsham par/ /chos kyi 'khor lo rab