[A:285]pa'i man ngag thor bu'i skor mtha' dag kyang rgyun mi nus pa'i ched du phyogs gcig tu bsgrigs par mdzad pa'i sgrub thabs kun las btus pa puu sta ka brgyad tsam bzhugs pa thams cad kyang deng skabs spar du spel bzhin pa'i skabs dang / o rgyan chen pos chos bdag tu ji ltar lung bstan pa bzhin du rtsod bral dus bab kyi gter ston chen po mchog gyur bde chen gling pas spyan drangs pa'i zab chos rnams kyang phyogs thams cad du dar zhing rgyas par mdzad pa dang / snga na med pa'i rten gsum ngo mtshar can bsam gyis mi khyab pa bzhengs pa sogs mdor na phrin las nam mkha' dang mnyam zhing ris su med pa'i bstan pa'i srog shing gcig pur gyur pa yin no/ /yang gnas lnga rig pa'i mkhas pa chen po 'jam pa'i dbyangs ngag dbang legs grub bam/ mtshan gzhan ngag dbang blo gros snying po gzhan phan mtha' yas pa'i 'od zer zhes yongs su grags pa 'di nyid kyang sku na chung ngu'i dus nas mdo rgyud mtha' dag la mkhyen pa'i spyan ras gsal bar gyur na'ang / bsten par bya ba'i slob dpon mkhas pa su'ang ma bzhugs par brten phyi rig pa'i gnas la sbyangs pa mdzad pa zhig ma byung la/ phyis su bcu phrag rig pa'i ma hA paNDi ta 'jam pa'i dbyangs mkhyen brtse'i dbang po e wa~M du phebs pa na/ bdag cag gi dpal ldan bla ma dam pa 'dis/ da ni khyed kyis kyang phyi rig pa'i gnas la sbyangs pa mthar phyin pa mdzod cig ces bskul ba na/ des kyang de bzhin du mdzad de phyis gnas lnga rig pa'i ma hA paNDi ta chen por gyur la/ slar yang de'i phrin las kyi rgyun gong nas gong du 'phel ba'i slad du thar rtse rang gi zhabs drung du mnga' gsol bar mdzad cing / de lta bu'i mkhas pa chen po des kyang