[A:290] bdag cag gi dpal ldan bla ma dam pa nges pa don gyi rdo rje 'chang chen po mtshan brjod par dka' ba don gyi slad du mtshan nas smos na grub pa'i 'khor los sgyur ba rnal 'byor 'jam dpal bzang po'i zhal snga nas dang / rgyud sde'i rgya mtsho'i mnga' bdag khang sar mkhan rin po che ngag dbang blo gros bzang po pa dang / 'di gnyis kyis kye rdor rgyu lam gyi dbang tsam las bka' chos che rigs ma gsan de'i sku'i dbon po gzhan phan byang chub sems kyis 'gro ba rnams smin grol la 'god pa mkhan rin po che ngag dbang blo gros bstan 'dzin pa dang / shin tu lkog gyur gyi chos rnams kyang mngon shes kyi me long dwangs pa'i ngos su shar ba phan khang mkhan rin po che kun dga' bstan pa'i blo gros pa dang / lung rigs smra ba'i dbang phyug khang sar mkhan rin po che ngag dbang bsod nams rgyal mtshan pa dang / da lta chos kyi khril zhabs sen rnam par bkod pa'i khang gsar mkhan chen rin po che 'jam dbyangs shes rab rgya mtsho pa dang drug go /gsum pa 'jig rten gyi khams 'dir 'gran zla dang bral ba'i mkhas pa chen po 'dzam gling mdzes par byed pa'i rgyan lnga ni/ mchog tu gyur pa nyi ma lta bu gcig dang / zla ba lta bu bzhi ste lnga las/ dang po ni rje btsun 'jam pa'i dbyangs mi'i srid pa 'dzin pa snyigs dus kyi thams cad mkhyen pa 'dzam gling byang phyogs kyi thub dbang gnyis pa lta bur gyur pa 'jam pa'i dbyangs mkhyen brtse'i dbang po'i zhal snga nas so/ /gnyis pa zla ba lta bu bzhi ni/ rtsod dus kyi kun mkhyen bu ston rin po che dang / de nyid kyi rnam par 'phrul pa rdo rje 'chang tshar pa chos kyi rje sogs slar yang rang nyid kyi bstan pa spel ba la bsam bzhin du sku'i skye ba bzhes pa mkhas dang grub pa gnyis