[A:161]pa'i ye shes mngon du gyur pa'i tshul gyis brjod bral lhan cig skyes pa nang gi sdom pa thob par mdzad la/ de phyin chad dbang bzhi po re re la'ang mnyam rjes bza' bsrung mi 'bral ba'i dam tshig lnga lnga ste nyi shu dang / khyad par bum dbang gi bsrung ba'i dam tshig rtsa ba'i ltung ba bcu bzhi/ yan lag gi ltung ba brgyad dang bcas pa rnams la srung sdom rnam par dag pa'i sgo nas dam tshig phra zhing phra ba'ang nyams pa'i go skabs mi srid pa yin no/ /gzhan yang mkhan chen rdo rje 'chang de nyid kyi drung nas/ dpal kye rdo rje'i lus dkyil gyi dbang bskur ba dang / grub chen dze tA ris bkral ba'i bya rgyud padma'i rigs kyi gtso bo tshe dpag med lha dgu'i dkyil 'khor du dbang bskur ba dang / ngan song thams cad yongs su sbyong ba'i rgyud nas bstan zhing grub chen kun snying gis bkral ba'i rjes su 'brang ba kun rig rtsa ba'i dkyil 'khor lha so bdun mgron thabs kyi lha dang bcas pa'i dkyil 'khor du dbang bskur ba dang / 'phags mchog klu sgrub zhabs kyis bkral ba'i gsang ba 'dus pa mi bskyod rdo rje lha so gnyis kyi dkyil 'khor du dbang bskur ba dang / slob dpon nag po spyod pas mngal skyes sbyong byed du bkral ba'i 'khor lo bde mchog lha drug cu rtsa gnyis kyi dkyil 'khor du dbang bskur ba dang / grub chen thang stong pa'i lugs kyi tshe rta zung 'brel gyi dbang dang / de'i yig cha sngags 'chang kun dga' bkra shis kyis mdzad pa'i lung la sogs pa nyer mkho 'ga' zhig dang / ngag dbang brtan pa'i rdo rjes mdzad pa'i lam 'bras tshogs bshad kyi khrid yig gi lung la sogs pa gsan pa yin no/ /de lo bal bod dmag 'khrugs kyi rkyen gyis dbus gtsang thams cad du 'brum nad byung bar brten/ rje 'di yang sku 'brum gyis sku brnyel tshul bzhes kyang / slar rim gyis zla ba sprin las grol