[A:162]ba bzhin du je dwangs su gyur cing / mthar sku gzugs kyi 'phrod bzhes su skyid mkhar du chu tshan zhig la phebs pa yin no zhes thos so/ /de nas khu bo mkhan chen mchog gis rje 'di la kun tu dgos pa'i gzhung bdun gzigs dgos tshul gyi bka' stsal phebs shing / de'i do dam slob dpon du byams pa bsod nams dpal 'byor bsko bzhag bskyangs pa ltar thugs brtson chen po'i sgo nas legs par gzigs te/ dgung lo bcu bdun yan chad du rje btsun rin po ches mdzad pa'i 'grel pa dag ldan gyi mjug tu/ rgyud sde'i dum bu rnam gzhag mngon rtogs dang / stong thun rnams kyi don bsdus bstod pa gnyis/ /bdag med bstod pa'i rnam 'grel dang bcas pa/ /kun tu dgos pa'i gzhung bdun 'thor mi bya/ /zhes gsungs pa ltar gyi rgyud spyi la dgos pa'i gzhung bdun po thugs la bzung nas e wa~M bla brang du rgyugs 'bul ba sogs mdzad do/ /spyir rje 'di ni skuu na chung ngu'i dus nas gzhan stobs kyi skul ma sogs la rag ma las par/ rang stobs kyi brtson 'grus thang lhod med pa zhig dang / thugs rab kyang 'jam mgon sa paNDi ta chen pos mdzad pa'i mgon po 'jam pa'i rdo rje la mchod par brjod pa/ dpal ldan blo gros dhIHlas byung ba tshar bdun bsgrags pas thugs la zin pa sogs gang ci nas phun sum tshogs pa zhig mnga' ba yin no zhes thos so/ /de nas dgung grangs bco brgyad pa chu mo glang gi lor/ rgyal ba'i bstan pa la zhugs kyang yongs suu ma rdzogs pa ni so thar gyi las bsgrub pa dang las kyi cho ga la mi dbang zhing / de la mi dbang bas gsang sngags kyi rgyud ston pa dang dbang bskur ba sogs kyi rdo rje slob dpon khyad par can du mi 'gyur bar dgongs nas/ so thar rigs brgyad kyi nang nas mchog tu gyur pa dge slong gi dngos por bsgrub par bzhed nas/ dpal e wa~M chos ldan gyi