[A:300]ma dkar dmar gnyis dang / 'byung 'dul dang / mgon dkar dang / rdo rje brag rdzong ma rnams kyi mngon rtogs bzlas pa dang bcas pa dang / spyan ras gzigs kyi bdag bskyed sngon du 'gro ba'i dzaM ser nag gi chu sbyin dang / gtor ma brgya rtsa dang / dbyu gu drug cu rtsa bzhi dang / yi dwags la chu sbyin dang bcas pa rnams dang / gtor bsngos kyang kye rdo rje/ mkha' spyod ma/ 'byung po 'dul byed/ seng gdong ma/ mgon dkar/ rigs byed ma/ gur/ zhal/ dur bdag /las mgon/ stag zhon/ dmag zor ma/ bektse/ mkha' 'gro'i spyi ste de rnams la gtor 'bul gyi cho ga shin tu rgyas pa dang bcas pa rnams ma chag par mdzad cing / de'ang bka' chos 'chad nyan gyi skabs ma gtogs rgyun par snga dro nas nyi ma phyed ma zin tsam gyi bar du thugs dam kho na dang / de nas skabs su bab pa'i thugs brel rnams bcad de/ slar yang dgongs mos srib nas bzung ste mtshan phyed ma zin tsam gyi bar du thugs dam kho na la gzhol bar mdzad pa yin la/ khams phyogs su chibs bskyod bskyangs pa'i dus sogs skabs 'gar thug brel shin tu che ba'i skabs kyang nyin mo bka' chos 'chad spel sogs mdzad cing / mtshan mo thugs dam kho na la gzhol bas gtor bsngos grub pa dang nam lang pa 'ang shin tu mang zhing / de lta bu'i brtson 'grus kyis mnyam pa bzhag pa'i rnal 'byor rnams dang / mnyam par ma bzhag pa'i rnal 'byor thams cad ltag sprad de nyams su bzhes pa la brten nas dus skad cig tsam la'ang tha mal pa'i rnam par rtog pa skye ba'i skabs mi rnyed pa yin no/ /rtogs pa'i yon tan nyams snang la sogs pa'ang bdag cag gdul bya thun mong ba rnams kyi skal pa dang mthun par mthong thos cung