[A:313]la/ tshul 'di lta bu ni 'phags pa nyan thos pa rnams bcom ldan 'das kyis yul yangs pa can du sku tshe byin gyis brlab pa'i phyir 'chi bdag gi bdud btul bar 'dod pa dang tshul mtshungs pa yin no/ /de nas kyang skyes bu dam pa 'di yun ring por mi bzhugs pa'i snga ltas su/ lcags bya hor zla bcu gnyis pa'i 'jug tu thar rtse rang gis chos srung rnams la skong ba brgya tshar tshogs pa'i skabs kyi tshes nyer brgyad nyer dgu rnams la dus ma yin pa'i rlung chen po ldang ba dang / dpal e wa~M chos ldan gyi chos grwa 'dir sngon ngor chen rdo rje 'chang chen pos dam la btags pa yin skad kyi dgon pa'i nye skor du spyang ki sogs mi 'byung zhing / gal srid byung yang ltas ngan du 'dzin pa zhig yod pa la/ 'di lo dgon pa'i nye skor du spyang ki rgyug pa dang / thar rtse rang gi pho brang dang nye ba'i sar wa brgyal ba dang / khyad par chu khyi hor zla dang po'i nang e wa~M pa'i lam 'bras lha khang du bzhugs pa'i ngor chen rdo rje 'chang gi 'dra sku rin po che'i zhal ras kyi ngos su spyan chab bsil ba'i rjes lta bu zhig 'dug pa thog mar grwa pa gcig gis mthong zhing / de rjes thar rtse nas lam 'bras lha khang du bla mchod cig bgyis pa'i tshe der yod pa'i grwa pa brgyad tsam gyis mthong ba dang / de nas rim gyis thams cad kyis mngon sum du gyur cing spyan chab kyi rjes kyang de rjes yun ring du gnas pa dang / gzhan yang snga phyi ci rigs par phal che ba'i rmi lam du nyi zla gzas 'dzin pa sogs byung zhes gleng ba dang / khams bod kun tu dus kyi 'khrugs long mi bzad pa 'byung ba'i mgo tshugs pa sogs mi dge ba'i mtshan ma mang po mngon sum du lhags par gyur te/ de lta bu ni gang zag dam pa 'di zhing khams gzhan du gshegs par bzhed pas nag po'i phyogs kyi bdud dang bdud kyi ris su gtogs pa rnams