[A:315]sku dus su bsdus pa'i ril bu de'i nang nas gcig longs gsungs pa ltar len par brtsams pa'i tshe kho rang gi bsam pa la/ sde dge blo gros rgya mtsho'i sku dus su bsdus pa'i ril bu de nas gcig byung na snyam pa sems la shar ma thag /rje rang gi zhal nas nga la khyad par spu tsam yang med cing / khyod kyis blo gros rgya mtsho'i sku dus su bsdus pa'i ril bu de la dga' bar byed kyin 'dug pas/ de nas rdog gcig longs zhes gsungs byung bas ji ltar mkhyen pa yin snyam pa lta bu'i ngo gnong ba zhig byung zer ba dang / yang 'ga' zhig gis lkog tu byin rten 'dra zhu phod min zer ba'i skabs kyang / rje'i zhal nas de gar byin rten 'dra dgos zer mkhan mi 'dug gam gsungs pa sogs de 'dra'i rigs mang ba dang / lcags bya hor zla bcu gnyis pa'i tshes bco lnga bcu drug gi skor zhig tu rje'i zhal nas/ mdo khams nas mchog sprul thams cad mkhyen pa mkhyen brtse'i dbang po phran bu'i sku khams bde min 'dra byung med dam snyam pa 'dug cing / nged kyi rmi lam du'ang mchog sprul rin po che bzhugs gdan srab mo zhig la bzhugs 'dug pa'i snang ba zhig byung bas/ de la dmigs pa'i zhabs brtan 'dra byed dgos zhes bka' stsal pa'ang rjes sor de kho na ltar byung snang ba dang / yang hor zla gsum pa 'di dus 'khor ba'i lugs kyi lo mgo yin gshis nged kyi khams mi bde ba 'di'ang chu khyi hor zla gnyis pa'i mjug dang gsum pa'i nang bzang thag ngan thag chod pa zhig byung 'ong 'gro'am snyam zhing / der skyon chen rang ma byung tshe da dung zla ba kha shas mi sdod pa'i nges pa med ces gsungs pa dang / yang chab chu'i bsnyun gzhi 'dras skyon mi 'ong ngam snyam nas de la phan pa'i gsol sman 'dra phul ba'i tshe'ang sman de mi bza'/ nged spos skrangs dang chu'i skyon