[A:316]gyis 'chi bar mi 'gyur zhes bka' stsal pa'ang rjes sor de kho na ltar gyur pa sogs lkog gyur gyi chos mtha' dag tshul bzhin mkhyen pa'i gsung mang du byon pa dang / sku khams dngos ni chu khyi hor zla dang po'i nang gsol chas la dwang ga je zhan du song ba'i rkyen gyis sku rlung shas che ba tsam las bsnyun gzhi'i rigs che ba ci'ang mi snang ba dang / zhabs brtan gyi rigs kyang de skabs rgyun chad med par gang lcogs sgrub mu yin rung / sku khams ni de mus las lhag tu dwangs skyed du mngon pa ci yang ma mchis shing / zla ba de'i mjug tu gus phran pas/ skyabs mgon rdo rje 'chang chen po'i sku khams skyon che ba rang ma byung tshe bdag gis mtshams zla ba gcig gnyis tsam sdod rgyu dang / gal srid sku khams babs lci bar song ba sogs byung tshe de 'phral du mtshams grol ba gzhir bzhag yin tshul zhus par/ nges par mtshams sdod rgyu byas na legs tshul dang / nged gzugs babs lci ba sogs byung tshe de 'phral khyod la bya gtong yong tshul dang / khyod rang yang dus rgyun du tshe sgrub 'dra la nan tan byas na legs tshul sogs bka' stsal pa dang / gzhan yang de skabs shig tu gus phran la dngos po'i gsol ras 'dra stsal te skad cha zhib par rjes sor 'byung ba yin mod/ khyod kyis e wa~M pa'i bstan pa la phan gang thogs byed dgos tshul dang / phyogs 'dir rig gnas 'dra'ang dar ba'i thabs gang drag byed dgos tshul bka' phebs par/ spyir gus phran rang la bstan pa la phan 'dogs nus pa'i yon tan til 'bru tsam yang med pa ma gtogs/ gzhan bstan pa rin po che'i zhabs 'degs gang 'grub zhu ba bzhir bcas dang / khyad par skyabs mgon rdo rje 'chang chen po mchog nyid bdag sogs gdul bya rnams kyi mgon skyabs dpung gnyen dam par