[A:317]gsang gsum rin po che bskal brgya'i bar du 'tsho zhing gzhes la chos kyang ston pa dang / bdag kyang skye ba dang tshe rabs thams cad du thugs rje'i skyabs 'og tu tshud par gsol ba btab pas/ da dung lo re gnyis 'dra sdod pa'i smon lam 'debs dgos zhes bka' stsal byung yang de ni bdag gi sems 'khri ba'i phyir gsungs par gor ma chag la/ de rjes hor zla gnyis pa'i nang du'ang res nyin lnga drug re la gsol chas la dwang ga skyon med tsam yod pa dang / res nyin lnga drug re la gsol chas la dwang ga gtan nas med pa lta bu res 'jog gi tshul du snang zhing / khyad par zla ba de'i mjug nas bzung gsol chas la dwang ga je zhan du song zhing / sku gzugs kyang babs je lcir 'gro ba lta bur snang bas/ hor zla gsum pa'i tshes mgor bdag kyang mtshams grol te sku mdun du bcar bas/ sku shed zhan pa'i stobs kyis gsung sgros sogs mdzad pa la 'o brgyal ba zhig 'dug pa ma gtogs gzhan gsung sgros dang / thugs rab sogs sngar rgyun ltar mchis shing / de skabs tshe lha gsum gyi cho ga la sogs pa'i zhabs brtan kyang ci rigs par bsgrubs mod/ rje rang ni zhabs brtan rim gro'i rigs la thugs 'dun gtan nas mi mdzad cing / zhal nas kyang / khyed rnams kyis lo snga mar rim gro gang 'grub byas pa la brten nas nged da bar bsdad pa yin mod/ da ni rim gro byas nas kyang khyed rang rnams kyang dka' tshegs kyi rgyu kho na dang / nged kyang da na so rgas ches pas gzhan don byed pa phar zhog /rang don du kha ton yang grul btub pa zhig mi thub pa'i lus rten 'di lta bu bsdad pa bas shi ba legs/ da lus rten 'di bor nas lus rten gsar pa 'dra