[A:318]blangs na des dga' bar 'dug kho na gsungs pa dang / zla ba de'i tshes brgyad kyi nyin byis pa dpe cha shes pa 'ga' zhig la chos spyod dang bla mchod la blo gso gyis/ zla ba 'di'i tshes bcu bzhi tsam nas bla mchod 'dra 'don dgos zhes bka' stsal song ba ni bdag cag rmongs pa rnams la brda thabs zhig mdzad par mngon mod/ phyis su go ba tsam dang / gzhan yang de skabs rnams su thugs dam gtor ma 'di rnams brje dgos zhes yang yang gsung ba dang / khyad par tshes bcu gnyis kyi nyin dge bshes bsod nams bzang po la/ khyod kyis nga'i thugs dam gtor ma 'di rnams gsar du bzo dgos/ de'ang gnang nyin tshes bcu bzhi chos skyong gi dus chen la gtor ma rnams nges par bshams thub pa zhig dgos/ da nged nad 'di las thar bar mi 'dra na'ang / ma shi gong du gtor ma 'di rnams ma brjes pa'i thabs med ces bka' stsal song ba ltar de ma thag nas gtor ma'i rgyan rnams bzo ba'i mgo btsugs shing / tshes bcu gnyis bcu gsum gnyis la sku khams kyang cung zad nyog tu song snang zhing / de dag gi bar bar gyi thugs rab gsal ba'i skabs rnams su/ /sbyor lam rtse mo thob pa'i rtags su lus la srin bu'i rigs med pa dang / sbyor lam bzod pa thob nas ngan song du mi 'gro bar bshad pa dang / gzhan yang sbyor lam de dag thob pa'i rtags su ji 'dra bshad pa yod ces yang yang bka' 'dri stsal 'dug par/ bdag gis de skor gyi mngon rtogs rgyan gyi 'grel pa ldeb re gnyis 'dra gzigs rtogs phul bas/ de la'ang zhib par gzigs pa sogs nan tan lta bur mdzad 'dug pa ni/ sbyor lam de dag gang rung zhig thob par zhal gyis