[A:320]sogs ci 'grub byas pa yin zhing / da cha des ma 'thus pa'i rjes kyi bya ba rgya chen ci'ang mi dgos pa'i tshul dang / ji ltar bya ba'i tshul rnams ni khyod rang gis babs bltas byas pas chog tshul dang / thugs dam yang zhag bcu skor tsam dgos pa e yin snyam pa dang / phyin chad skye ba 'dra'ang len pa'i smon lam 'debs dgos tshul dang / 'on kyang skad cha zhib par rjes sor 'byung zhing / da dung gzhan yang re gnyis dran pa byung tshe rjes su mngags dam bya dgos tshul bka' phebs par/ bdag gis deng skabs nam dus 'di'ang shin tu dro bar 'dug pas thugs dam de yun ji tsam zhig legs zhus kyang / de la bka' lan dmigs bsal ci'ang stsal ma byung zhing / de nas da lta nged rig pa shin tu 'thibs pa zhig 'dug pas cung zad cig 'dir bsdad nas/ de nas gzim chung rnam rgyal pho brang du 'gro dgos gsungs pa la/ bdag gis cung phebs e thub ces zhus par/ nged 'chi sa de rnam rgyal pho brang du legs par 'dug gsungs byung zhing / de nas gsung sgros kyang bka' stsal rgyu med pa lta bur da ni zhi bar gshegs sam snyam pa lta bur snang zhing / sku 'khor ba thams cad ni mya ngan gyi gong bur gyur 'dug pa la/ bdag gis bla ma la gsol ba 'debs nus na thugs rje la nye ring med tshul 'dra gleng ba dang / de nas gzim chung rnam rgyal pho brang du gdan drangs te bzhugs su gsol zhing / sangs rgyas kyi 'phel gdung zhig zhal du gsol rung ci'ang mi mkhyen pa lta bur snang la/ de rjes yun cung zad cig nas thugs je dwangs su gyur te nyin phyed ma zin tsam na thugs rab shin tu gsal zhing / phyag rtsa'ang sor chud par gyur la/ de nas bdag la bshad ma thag pa'i snga dro bka' stsal pa rnams yang bskyar kyi tshul du shin tu rgyas pa rgyu mtshan dang bcas pa dang / nged na sa dang