[A:321]'chi sa thams cad lha khang gi nang du byas pa 'di shin tu blo 'tsher ba zhig 'dug pas de'i sgrib sbyong lta bur ltung bshags dang / gnas brtan bcu drug gi zhal thang re bzhengs rgyu yin pa la/ de'i nang nas ltung bshags ni khar seng nas bzhengs tshar ba yin cing / da gnas bcu'i zhal thang zhig nges par bzhengs dgos pa dang / e waM pa'i gtsug lag khang du yod pa'i gshed dmar lha lnga'i dkyil thang de shin tu bgres por song snang bas/ gshed dmar gyi dkyil thang zhig gsar du bzhengs nas sbyor 'jags bya dgos pa dang / bde mchog lU nag dril gsum gyi mtshams tshad ldan re gzhag dgos snyam pa'i nang nas/ nag dril gnyis kyi mtshams de sngon bzhag tshar ba yin zhing / da lU hi pa'i mtshams zhig nges par gzhag dgos tshul dang / gzhan rjes kyi bya ba rgya chen ci'ang mi dgos pa'i tshul bka' stsal byung zhing / de nas thugs dam gtor ma rnams kyang bzos tshar nas der slebs byung ba la/ rje rang gis zhib par gzigs nas/ gtor ma'i rgyan gyi me tog la sogs pa gang ci nas shin tu legs par byung 'dug ces gsungs shing thugs mnyes mnyes mdzad pa dang / de ring nged kyi gtor gzhi spos pa'i dga' ston yin pas mkhan rin po che rnal 'byor 'jam dpal bzang po'i dbu byas pa'i 'dir yod thams cad la 'phar ja dang / 'bras sil re bzos gsungs pa'ang de kho na ltar bgyis pa dang / de nas bdag la thog mar 'dir grwa pa zhig gis lam dus dang / gtor bsngo 'don pa sogs bgyis kyang rten 'brel 'dra la'ang cung mi btub pa 'dra bas/ khyod kyis de ring nas bzung zhag bdun gyi bar la gnas khang 'dir lam dus dang gtor bsngo rnams ma chag par gyis/ de nas grwa pa 'dra la 'don du bcug pas chog ces