[A:325]dang bcas pa nyin re bzhin thun gnyis su bcad nas nyams su blangs pa dang / zhi bar gshegs pa nas bzung thugs dam ma grol gyi bar la sku'i gzi mdangs dus rgyun pas legs shing / sku sha dkar ba dang / zhal ras kyi ngos su gnyer ma'ang cher med pa'i gzhon sha chags par mchis shing / de nas zla ba de'i tshes bcu dgu'i nub mo bdag gi rmi lam du'ang / rje rang nyid bsnyun gzhi las grol ba'i snang ba za zi 'dra byung ba dang / rje 'di'i zhal slob hor nyag brag sprul sku'i mnal lam du'ang / rje 'di thugs dam las grol te phyag na bum pa zhig bsnams te dbang bskur ba'i snang ba byung zhes gsungs shing / gang ltar yang tshes nyi shu'i nam ma langs tsam nas bzung ste de nyin nam mkha' thams cad kha dog sna tshogs pa'i 'ja' sprin gyis gang ba dang / nyi gur phub pa sogs thams cad la mngon sum du snang bas/ dgon pa'i grwa pa phal che bas kyang de ring thugs dam las grol ba gdon mi za zhes gleng ba byung zhing / mtshams pa kha cig gis ni 'ja' kha dog lnga ldan shin tu gsal ba ring thung gsum shar 'dug ces zer zhing / gang ltar yang nyi ma phyed yol tsam na thugs dam las grol ba'i rtags sngar gyi zhal mdangs glo bur ba de yal ba dang / dbu mdun du cung zad gug pa dang / shangs bug g.yas nas byang sems dmar po nar tsam zhig babs 'dug pas/ slar yang 'od gsal las zung 'jug gi skur bzhengs te/ dpa' bo dang rnal 'byor ma bsam gyis mi khyab pa ganggA'i klung gi bye ma snyed kyi grangs dang mnyam pa rnams kyis mchod pa'i khyad par sna tshogs pas mchod cing / sangs rgyas dang byang chub sems dpa'i tshogs dpag tu med pa rnams kyis bkra shis pa'i cho ga dang bcas pa'i