[A:327]kyi sa bon dang / dpal dges pa rdo rje'i rtsa sngags dang / snying po dang / nye snying rnams gog pu la bris shing dri bzang bas byugs pa rnams gnas gsum du sbyar ba dang / dri bzang po dang / bsil sman sna tshogs pa lhan cig tu sbyar ba'i lde gus yongs su byugs shing / ras ser po mang pos legs par dkris pa dang / dbu rgyan dang / stod g.yogs smad g.yogs la sogs pa'i lha rdzas kyi na bzas mdzes par spras te/ dpal kye rdo rje'i dkyil 'khor gang du bzhengs pa'i gnas kyi gzim chung du spyan drangs te/ spos mar me zhal zas rnams re re nas brgya phrag lnga tsam dang bcas pa'i mchod pa'i bye brag mtha' yas dbus su gdung sgrom gyi bzhugs khri'i steng du bzhugs su gsol lo/ /de nas bdag cag dge slong bcus sku gdung rin po che rnam snang dges pa rdo rjer yan lag bzhi rdzogs su bskyed de bzlas pa bya ba sogs rje btsun rin po ches mdzad pa'i kye rdor dus tha'i cho ga gzhan phan bdud rtsi sogs nas ji ltar 'byung ba bzhin bgyis so/ /de'i tshe'ang gdung khrus dang por gsol ba dang mnyam du nam mkhar sprin gyi phung po glo bur du 'dus te/ /gnam lo 'dir de sngon 'brug skad grag pa gtan nas ma thos pas/ de nyin 'brug skad thog ma'i tshul du shin tu gsal ba lan gnyis bsgrags shing / me tog gi dbyibs lta bu yod pa'i gangs zim bu sa gzhi mdog 'gyur tsam du babs pa dang / de nas sku gdung rin po cher chas 'bul grub la nye ba na/ nyi ma shin tu dro zhing nyi gur phub pa dang / 'ja' sprin thar thor 'dra' bshar bas skye bo thams cad ngo mtshar ba'i gnas la bkod par gyur to/ /de nub bdag cag dge slong bcus dpal kye rdo rje sta gon gyi cho ga bgyis pa nas bzung / zhag zhe dgu'i bar du dge slong bcus dpal kye rdo rje'i rdul tshon gyi dkyil 'khor bzhengs te sgrub cing