[A:328]mchod pa dang / bdag nyid 'jug cing dbang blang ba la sogs pa nyin rer cho ga tshar re ma chag par bgyis pa dang / rje btsun rin po ches mdzad pa'i dus tha'i cho ga gzhan phan bdud rtsi las/ bdun phrag re re song ba dang dkyil 'khor gyi lha la gsol ba gdab cing dngos grub blangs te gshegs su gsol lo/ /rdul tshon phyags te chu bor dor ba la sogs pa 'jug gi bya ba rdzogs par bya'o/ /zhes sogs gsungs pa ltar bdun phrag re re rdzogs pa'i mthar rdul chen gyi dkyil 'khor gshegs su gsol zhing / slar thig btab ste sta gon bya ba sogs tshul bzhin du bgyis pa dang / dus tha'i cho ga dngos ni sngon gyi bla ma gong ma rnams kyis gang zag mchog la ji ltar bya ba'i tshul mang du bshad snang bas/ de ltar byas kyang phun sum tshogs pa'i yan lag tu 'gyur ram snyam nas thog mar bdun phrag gnyis kyi bar la sku gdung rin po che rnam par snang mdzad kye rdo rjer bskyed cing / ye shes pa gzhug pa sogs bgyis pa dang / dbang bskur ba ni rje btsun rin po che'i gzhan phan bdud rtsi las/ bla ma'am gang zag mchog la byed na/ dbang la sogs pa len mkhan ni gang zag mchog de yin la/ dbang skur mkhan ni dkyil 'khor gyi 'khor lo la sogs pa sangs rgyas dang byang chub sems dpa'i tshogs rnams yin zhing / bdag gis bla ma'i zhabs tog byed par dmigs na bsod nams mchog tu 'gyur gyis/ gzhan du na bdag slob dpon lta bur bsgoms na ni bdag nyid la nyes par 'gyur ro/ /des na bdag g.yog gam/ zhabs tog byed par bsam pa gal che'o/ /zhes bka' stsal pa ltar/ dkyil 'khor gyi gtso bos dbang rnams phul bar bsams te/ dbang tshig rnams bdag gis brjod pa dang / maNDal 'bul ba dang / dbang rdzas 'bul ba sogs