[A:336]rnams kyis sku gdung rin po che rdo rje sems dpar bskyed pa dang / gnas yig gdags pa sogs bgyis pa dang / de nub mchod pa'i bye brag 'ga' zhig dang bcas te sku gdung rin po che gdung khang du spyan drangs pa dang / de'i phyi nyin tshe bdun gyi snga dro mkhas dang grub pa'i gtsug rgyan khang gsar mkhan rin po che ngag dbang bsod nams rgyal mtshan pa tshogs kyi rdo rje slob dpon chen por gdan drangs shing / bsnyen pa song ba'i dge slong bcu phrag gcig dang bcas pas dpal kye rdo rje'i sgo nas sku gdung rin po cher zhugs 'bul ba dang / lung rigs smra ba sprul sku shes rab rgya mtshos dbu byas pa'i dge slong kha shas kyis bcom ldan 'das kun tu rig pa'i sgo nas sku gdung rin po cher zhugs 'bul ba'i zhabs togs rgyud sde nas ji ltar gsungs pa bzhin du bsgrubs shing / de'i tshe'ang thog mar sbyin sreg gi mgo tshugs pa nas bzung ste/ de nyin nam mkha' thams cad kha dog sna tshogs pa'i sprin gyis gang ba dang / kha dog lnga ldan gyi 'ja' ring thung gsum tsam shar ba dang / dgon gsham gyi grong pa rnams kyis yar bltas pa'i tshe gdung khang gi steng du 'ja' kha dog lnga ldan gnyis zug 'dug ces gleng ba dang / me tog gi dbyibs lta bu yod pa'i gangs thar thor 'dra'ang skabs skabs su babs pa dang / thog mar zhugs 'bul ba'i tshe me rang 'bar lta bu'i shin tu 'bar sla ba dang / de'i dus kyi dud pa ni thog mar gdung khang gi steng du 'khyil ba snyam byed cing / de ma thag nas dud pa rnams dgon pa'i shar ngos kyi bskor lam gyi steng gi nam mkhar song zhing / de nas dgon pa la g.yas skor lan cig byas nas/ mthar nam mkha'i 'ja' sprin rnams dang dbyer med du 'dres pa'i tshul gyis yal bar gyur pa dang / me lce rnams kyang kha dog dkar gsal 'od dang ldan zhing / gzhan du 'khyag 'khyog med par rtse mo rnams rtsa ljang gshibs pa ltar gyen kho nar 'bar ba'i ya mtshan pa dang /