[A:338]'jim pa gtsang ma dang lhan cig tu bsres te/ 'jim pa byin rlabs sngon du 'gro ba'i sgo nas bla ma yi dam sangs rgyas byang sems chos srung nor lha dang bcas pa'i sku 'dra mang du spar btab cing / de rnams la'ang rab tu gnas pa brgya tshar 'gro nges bgyis pa dang / yang gdung thal rnams la'ang gdung rus shin tu zhib pa phran bu 'dres snang bas/ de dag kyang shin tu zhib par 'dur te/ dri zhim po'i chus sprus pa'i 'jim pa dang bsres te/ 'jim pa byin rlabs sngon du 'gro ba'i sgo nas/ rigs lnga'i sa bon dang / gtsug tor dri med kyi gzungs dang / rten 'brel snying po bcas kyi gzungs gzhug dang ldan pa'i sAtstsha 'bum ther cung med tsam bzhengs shing / de thams cad la'ang rab tu gnas pa bgyis pa dang / khyad par lo de'i hor zla dgu pa'i nang phyi rten khang bu brtsegs pa'i mchod rten bzhengs par/ thog mar sa chog mdor bsdus dang / sa bdag lto 'phye'i thig dang / gter bum 'jug pa sogs sngon du 'gro ba'i mchod rten gyi phyags tshad rnams ngor chen rdo rje 'chang yab sras kyi bzhed pa ji lta ba bzhin du bgyis pa dang / de'i nang du'ang mtshan nyid dang ldan pa'i srog shing la ji skad bshad pa ltar gyi gzungs 'jug pa dang / 'bri ba sogs dang / khyad par bla ma brgyud pa'i mtshan 'bum nas bzung / chos srung nor lha dang bkra shis kyi bar thams cad go rim ma 'phyugs pa gong ma'i phyag len ji lta ba bzhin dang / 'og tu gnod sbyin 'khor lo dang nor lha'i gter bum bcas dang / khyad par sAtstsha rnams kyang yongs su rdzogs par bzhugs su gsol zhing / de dag kyang sa rdo spungs pa lta bu ma yin par re re nas pad spungs mchod rten shar du bstan te bsgrigs pa dang / star re bsgrigs tshar ba'i rjes su sAtstsha rab gnas mdor bsdus