[A:339]re'ang bgyis pa dang / de dag gi bar thams cad kyang bsang dang shugs phye kho nas bkang ba sogs mdor na tshul ldan bzhin du bzhengs pa'i mchod rten la/ lung rig smra ba sprul sku shes rab rgya mtsho sogs dge slong bcu gsum gyis tshe dpag tu med pa la brten pa'i rab tu gnas pa bgyis pa dang / yang hor zla gsum pa phyi ma'i yar tshes nas bzung ste rta nag lha bris pa bos te/ gtsug lag khang du bsham rgyu'i dus thang rin po che che legs shin tu sgros gtsang bar bzhengs te gong gsham zhal khebs thams cad kyang phun sum tshogs par bgyis pa la/ mkhan chen rdo rje 'chang rnal 'byor 'jam dpal bzang po dbur bzhugs pa'i bdag cag dge slong kha shas dang bcas pas tshe dpag med la brten pa'i rab tu gnas pa bgyis te/ hor zla lnga pa'i tshes bcu bdun gyi nyin e waM pa'i gtsug lag khang du spyan drangs/ de nyin bdag gis gtsug lag khang der mchod pa'i phreng ba brgya phrag dang bcas shing / dge 'dun gang yod kyis bla ma mchod pa tshogs pa la/ dge slong re re la phyag 'gyed dngul Tam re dang bcas pa'i bsnyen bskur phun sum tshogs pa dang / mkhan rin po che khri thog pa'ang tshogs bsngor gdan zhus kyi 'bul ba gang zab bcas bsgrubs pa dang / zhal chems su yod pa'i gnas bcu'i zhal thang dang / gshed dmar dkyil thang rnams kyang shin tu sgros gtsang bar bzhengs pa dang / yang hor zla lnga pa'i nang rtse gdong nas zangs rdung mkhas pa mi bzhi bos te/ nang rten 'dra sku rin po che gser zangs las grub pa sku dngos mda' tshad tsam khri rgyab dang bcas pa dang / mdzod mkhyen rab bzang po dang gnyer sher seng gnyis nas rin chen gnyis pa 'degs srang brgyad cu las grub pa'i lha babs mchod rten mda' tshad tsam pa la rin po che du ma'i phras mdzes