[A:340]par spud pa bcas kyang zla ba gsum gyi khongs su shin tu sgros gtsang bar bzhengs grub pa la/ yungs 'bru lta bu'i ring bsrel dang / sku 'dra li ma dang / byin rten khyad par du 'phags pa 'ga' zhig dang / srog shing mtshan nyid dang ldan pa dang / bla ma brgyud pa'i mtshan 'bum nas bzung ste/ bkra shis kyi bar rgyud sde bzhi dang 'brel ba'i gzungs bsam las 'das pa dang / sku gdung yid bzhin nor bu'i cha shas las grub pa'i sku 'dra rnams kyis phyur bur bkang ste/ tshul bzhin du bsgrubs pa'i nor lha'i gter bum dang / gnod sbyin 'khor los zhabs bsdams pa'i bar rje btsun gong ma'i phyag len ji lta ba bzhin bgyis pa la/ mkhan chen rdo rje 'chang rnal 'byor 'jam dpal bzang po tshogs kyi rdo rje slob dpon chen por phebs te bdag cag dge slong bcu phrag gcig dang bcas pas dpal kye rdo rje la brten pa'i rab gnas nyin gang ma zhig mdzad de byin rlabs kyi gzi 'od 'bar bar mdzad pa dang / slar yang bdag cag dge slong bcu gsum gyis dpal kye rdo rje'i rdul tshon gyi dkyil 'khor bzhengs te sgrub mchod dang 'brel bar rab gnas shin tu rgyas pa nyin lnga pa zhig kyang bgyis pa yin no/ /de dag gi tshe bzo bo thams cad la'ang skabs skabs su ston mo dang / rgyun gyi bza' btung sogs shin tu zab pa dang / yon dang gnang sbyin la sogs pas shin tu yid tshim par byas so/ de dag gi skabs su'ang gegs kyi rnam pa cung zad tsam yang med cing / mthun rkyen rnams kyang 'bad rtsol med par rang shugs kyis 'grigs pa sogs mdor na tshogs chung dus bde blag tu grub pa'ang rje nyid kyi thugs rje kho nas yin par gdon mi za'o/ /gzhan yang ldan ma mtshams pa dpal ldan don grub par zla ba drug gi mtshams brgyags phul te/ sngar zhal chems su stsal ba'i 'khor