[A:341]lo bde mchog lU hi pa'i bsnyen tshad mthar phyin par bgyis pa dang / yang gzugs sku'i bkod pa chos dbyings su bsdus pa'i tshul bstan pa nas bzung deng sang gi bar phal che bar zla re bzhin dus chen dang bstun te dge slong kha shes kyis bla ma mchod pa ma chag pa dang / chu phag hor zla gsum par lo dus kyi dus chen dang bstun te bdag cag dge slong bcus dpal kun tu rig pa'i rdul tshon gyi dkyil 'khor bzhengs te sgrub cing mchod pa dang / bdag nyid 'jug cing dbang blang ba dang bcas nyin lnga pa zhig bgyis pa dang / khyad par zla de'i tshes bcu bdun gyi nyin dge slong nyung bsdus kyi ser sbreng dang bcas te 'dra sku rin po che lam 'bras lha khang du gdan drangs te gos chen gyi sku ber la sogs pa'i na bzas bklubs te bzhugs su gsol zhing / de'i sku mdun du rin chen gnyis pa 'degs srang bdun dang zho bdun las grub pa'i phud kong / dngul srang bdun dang zho bzhi las grub pa'i spyi blugs/ dngul srung bcu bzhi las grub pa'i kar 'dzin gyi steng zhal kar yu ring zas snas bkang ba/ dngul srang dgu dang zho do las grub pa'i bzed zhal/ rdo dril gser mgo can/ Da ma ru dngul dkris can/ phyag ting dngul thag can/ dngul las grub pa'i nang mchod ka pA la/ dngul srang nyer gcig las grub pa'i bum pa cha la kha rgyan bum gos dang bcas pa/ dngul srang drug dang zho brgyad las grub pa'i 'bru spar rnams kyang sbyor 'jags zhus pa dang / de nyin nas bzung nyin gsum la rnam lnga brgya mchod dang bcas te dge slong bcus bla ma mchod pa bgyis par bsnyen bkur phun sum tshogs pa bsgrubs pa dang / yang tshes bcu bdun gyi nyin e waM pa'i gtsug lag khang du dge 'dun gang yod kyi bla ma mchod pa tshogs par brgya mchod dang / mang ja dang gral 'gyed la