[A:168]nas bum dbang gi khrid yongs su rdzogs pa/ de'i nang tshan nang bskyed rim gyi mgor slob dpon gyi zab mo lus kyi dkyil 'khor du dbang bskur ba dang bcas pa/ de rnams kyi snga chos su rje dkon mchog lhun grub kyis mdzad pa'i kye rdor man ngag lugs kyi mngon rtogs/ lus dkyil dbang chu/ gtor chog rnams dang / ngag dbang brtan rdor gyis mdzad pa'i lam 'bras kyi khrid yig gi lung dang bcas pa gsan pa'i skabs/ gsang dbang gi mgor rje 'di snyun gzhi zas dug gi rnam pa lta bus tshabs cher bsnyun par brten/ de man chad kyi khrid rnams gsan ma thub/ de nas zhal dkar bla sman la sogs bsten te sman dpyad dang dug bcos la sogs pa mang du mdzad/ snying ri nas mthu stobs kyi dbang phyug khri chen padma bdud 'dul mthu stobs rgyal mtshan pa'ang ngor du spyan drangs te/ smin gling pa'i sgrub thabs 'dod bum las byung ba'i chos dbang lugs kyi drang srong loktri'i rig gtad dang / gnubs lugs kyi legs ldan stag zhon nag po'i rjes su gnang ba/ las 'brel lugs kyi gza' bdud kyi srog dbang / de dang 'brel bar gza'i byad 'grol dug dbyung dang bcas pa/ rta mgrin yang gsang khros pa lha dgu'i dbang / pad gling lugs kyi phyag rdor dregs 'dul dang / tshe dbang rdo rje phreng ba/ zhang khrom gter byon byad 'grol gser gyi lde mig dang / tshar chen gyi yig steng nas gnod sbyin bektse 'khor mang gi rjes gnang bcas gsan/ gzhan yang gza' bcos dang dug bcos kyi rigs mang du zhu bar mdzad/ yang skabs shig snying rir phebs te/ khri chen de nyid las gza' bcos dang dug bcos la sogs pa'i rim gro'i rigs mang du zhu ba sogs mdzad kyang lo bzhi tsam gyi bar la snyun gzhi de sel ma thub/ de'i rkyen gyis sku gzugs kyi shed shor zhing sku sha'ang ha cang srab par song / thugs rab kyang de