[A:169]phyin chad sngar dang mi 'dra bar cung zad 'grib pa yin gsungs/ dgung lo nyer gnyis pa'i nang snyun gzhi cung zad dwangs pa'i skabs shig bskyed rdzogs kyi bsgom bya'i don rnams byams pa bsod nams dpal 'byor las bka' khrid dpyis phyin par zhu bar mdzad de/ 'byung 'dul gyi bsnyen pa bcu cha'i sbyin sreg dang bcas pa dang / khyad par lo de'i hor zla dgu pa nas bzung ste zla ba bdun gyi bar la/ dpal kye rdo rje'i gzhi'i bsnyen pa bcu cha'i sbyin sreg dang bcas pa stan thog gcig tu tshang bar mdzad/ dgung grangs nyer gsum pa'i ston mjug der/ khams nas khu bo mkhan chen mchog gi phyag mdzod yon tan rgya mtsho dpon 'khor rnams kyang 'bul skyel dang dge 'dun la bsnyen bkur stob pa'i ched du bar chad med par ngor du 'byor/ lo de'i hor zla bcu gnyis pa'i nang rje 'di dbus phyogs kyi gnas khyad par can rnams mjal ba'i ched du ngor nas chibs bteg /mar lam paN chen dge 'dun grub pas phyags btab pa'i chos grwa chen po bkra shis lhun po'i rten gsum rnams zhib mjal dang / de nas rim gyis lam bar gyi dgon khag rnams mjal bzhin pa'i sgo nas lha ldan du phebs te 'jig rten kun gyi mchod sdong bla na med pa jo shAka rnam gnyis kyi gtsos pa'i rten gsum yongs su rdzogs pa zhib mjal dang / yer pa/ dga' ldan/ bsam yas/ gdan sa mthil/ zangs ri mkhar dmar/ rtse thang / yar klungs skor/ 'phyong rgyas ri bo bde chen sogs brgyud yar 'brog mtsho skor mdzad de yar 'brog skor gyi dgon sde khag la sogs pa mdor na dbus phyogs kyi gnas khyad par can rnams dang / dgon sde khag la sogs pa'i rten gsum thams cad dad pa'i spyan gyis legs par mjal te/ me tog bdug spos mar me dri mchog zhal zas la sogs pa'i mchod pa dang / snyan dar phon