[A:170]che ba/ rten gtso che ba 'ga' zhig la zhal gser gsol ba la sogs pa mchod pa'i sprin phung rgyas par dkrigs pa'i sgo nas bsod nams kyi myu gu skyed bsrings shing / khyad par bstan 'gro yongs la sman pa'i smon lam rnam par dag pa'i sa bon rma med pa yang nas yang du 'debs par mdzad do/ /de nas rim gyis rgyal rtse dang zhwa lu sogs su phebs nas/ de dag tu yod pa'i dgon khag so so'i rten gsum rnams zhib mjal dang / mchod 'bul sogs rgyas par mdzad de e wa~M du phebs/ de nas skabs 'gar gzhis rtse/ chu mig /srad rnams su khrom dbang stsal du tshar kha shas byon pa dang / sku gzugs kyi 'phrod bzhes su rta nag /tsha rong / mang mkhar rnams su chu tshan la tshar kha shas phebs pa ma gtogs ngor rang du bzhugs/ mkhas btsun bzang gsum gyi yon tan du ma la dbang bsgyur ba'i phan khang zhabs drung rin po che dpal ldan rin chen chos mdzod kyi drung nas/ kha che paN chen nas brgyud pa'i 'jam dkar ma ti lugs kyi rjes su gnang ba dang / bya rgyud rdo rje'i rigs kyi gtso bo slob dpon dze tA ris bkral ba'i rdo rje mi 'khrugs pa la bkra shis lha mo brgyad kyis bskor ba'i dkyil 'khor du dbang bskur ba/ sa lugs kyi dme brtsegs dud ka'i rjes su gnang ba/ khams gsum dbang du sdud pa'i rigs byed ma ngor lugs thun mong ma yin pa'i rjes su gnang ba/ pha rgyud zhe sdang can 'dul bar byed pa dpal rdo rje 'jigs byed rwa lugs lha dgu'i dkyil 'khor du dbang bskur ba dang / 'chi bdag las kyi gshin rje dam can chos kyi rgyal po lha bcu gsum gyi rjes su gnang ba/ ba ri lugs kyi sgrub thabs brgya rtsar grags pa'i rjes gnang rigs mthun phyogs gcig tu bsdebs pa'i rjes su gnang ba bdun cu don brgyad dang / de'i rjes