[A:171]gnang gi yi ge dkon mchog lhun grub kyis mdzad pa'i lung dang bcas pa dang / mkhas pa'i dbang po rab dkar bla ma lhun grub ting 'dzin gyi drung nas/ 'phags yul gyi paN grub rgya mtsho'i gtsug rgyan slob dpon a bha yA ka ra gupta ste 'jigs med 'byung gnas sbas pa zhes yongs su grags pa'i zhal snga nas legs par bkral ba'i rdo rje phreng ba nas byung ba'i dkyil 'khor bzhi bcu zhe gnyis dang / de'i steng du paNDi ta dArpa Na A tsarYa zhes pa 'gro ba'i me long du grags pas mdzad pa'i kri ya sa mutstsha ste rdo rje slob dpon gyi bya ba kun las btus pa'i bstan bcos nas byung ba'i dge legs su byed pa'i dkyil 'khor gsum bsnan te/ mdor na dkyil 'khor bzhi bcu rtsa lnga'i ras bris kyi dkyil 'khor chen por dbang bskur ba rnams legs par gsan/ gzhan yang de skabs rnams su kun rig gi bsnyen pa zla ba gsum bcu cha'i sbyin sreg dang bcas pa dang / 'jigs byed kyi bsnyen pa zla ba gsum kha skong gi sbyin sreg dang bcas pa/ mgon dkar gyi sku mtshams zla ba gcig dang bcas pa bzhugs/ sambu Ta'i cho ga thugs 'dzin bskyangs te gtsug lag tu sgrub mchod gsung du tshar gcig tsam byon/ e wa~M pa'i sgrub mchod chen mo'i skabs bde mchog gi tshon blugs pa'ang lo kha shas mdzad/ dgung lo nyer bdun pa rnga chen gyi lor sa skya nas bdag chen 'jam pa'i dbyangs mthu stobs nus pa'i dbang phyug 'gro mgon dbang sdud snying po dbus phebs mdzad pa'i mar lam ngor du phebs/ snga phyir phebs bsu'i tshogs mang po dang / dge 'dun gyi ser sbreng gi bkod pa mtshar zhing yid du 'ong ba dang bcas pas mdun bdar te spyan drangs/ e wa~M pa'i zur bzhi bla khag rnams kyis rang rang gi 'byor stobs dang bstun pa'i bsnyen bkur dang 'bul ba rgya chen bstabs shing chos kyi 'brel pa re'ang