[A:207]pa'i lung dang bcas pa/ dgra nag gi rgyud nas bstan pa'i dbyangs can dmar mo gsang sgrub kyi rjes su gnang ba dang / de'i sgrub rjes 'jam dbyangs bzhad pa dkon mchog 'jigs med dbang pos mdzad pa'i lung dang bcas pa/ 'jigs byed kyi phyag mtshan mda' gzhu la brten nas bi Sha bsad pa'i las tshogs dug dbang rma bya rgyas pa dang / ma rgyud he ru ka'i rigs su gtogs pa grub chen dril bu lugs kyi bde mchog phyi dkyil lha lnga'i ras bris kyi dkyil 'khor du dbang bskur ba dang / de'i sgrub dkyil thugs sras lo tsA bas mdzad pa'i lung dang bcas pa/ dril bu lugs kyi rnal 'byor gsang mtha'i yang snying 'khor lo bde mchog zab mo lus kyi dkyil 'khor du dbang bskur ba dang / de'i sgrub thabs dang / bdag 'jug gi sdom dang / bdag nyid 'jug pa dang bcas pa 'phags pa rin po ches mdzad pa'i lung dang bcas pa/ ma rgyud padma gar dbang gi rigs su gtogs pa rje ras pa badzra kIrti nas brgyud pa'i rta mgrin pad dbyug can gyi rjes su gnang ba/ dpal kye rdo rje'i bshad rgyud rdo rje gur nas bstan pa'i 'byung 'dul sems dpa' sum brtsegs kyi rjes gnang me dbang dang bcas pa/ lha chen tshogs kyi bdag po dmar chen khyad par can gyi rjes su gnang ba rnams gsan par mdzad do/ /yang bod gangs can gyi grub mtha' ris med kun gyi bstan pa'i srog shing gcig pur gyur pa bcu phrag rig pa'i ma hA paNDi ta nges pa don gyi thams cad mkhyen pa 'jam dbyangs mkhyen brtse'i dbang po'i drung nas rgyal ba'i lung gis zin pa'i snyigs dus kyi rdo rje 'chang ngor chen kun dga' bzang po'i bka' 'bum pusta ka bzhi'i lung legs par gsan zhing / gzhan yang mkhas dang grub pa'i gtsug rgyan khang gsar mkhan rin po che ngag dbang blo gros bzang po'i drung nas/ ngag dbang mchog legs rdo rje'i yig steng nas bkra shis tshe ring mched lnga'i