[A:208]rjes gnang tshe dbang dang 'brel ba yig cha'i lung dang bcas pa gsan pa dang / bod kyi rdo rje gdan dpal ldan sa skya'i chos grwar snga phyir lan mang du phebs pa'i skabs chos kyi bdud rtsi gsan pa'ang / yab rje grub pa'i dbang phyug khri chen ngag dbang kun dga' bkra shis mthu stobs bstan 'dzin bzang po'i drung nas/ slob dpon dze tA ris bkral ba'i bya rgyud padma'i rigs kyi gtso bo tshe dpag med lha dgu'i dbang dang / spyod rgyud gshegs rigs kyi bdag por 'jam dbyangs dmar ser dpa' bo gcig pa'i rjes su gnang ba dang / dpal kye rdo rje man ngag lugs kyi dbang bskur ba dang / tshar chen gyis mdzad pa'i lam 'bras slob bshad kyi brgyud 'debs kha skong dang bcas pa'i lung dang / ras chen dpal 'byor bzang po'i lugs kyi tshe sgrub mda' 'phel ma'i dbang bcas dang / lung rtogs bstan pa'i mnga' bdag 'jam mgon kun dga' rgyal mtshan gyi drung nas/ thub dbang gnas brtan bcu drug gi rjes su gnang ba dang / jo bo lugs kyi dme brtsegs ljang nag zhal gsum phyag drug pa'i rjes gnang khrus dang bcas pa/ grub chen lU hi pa'i lugs kyi 'khor lo bde mchog lha drug cu rtsa gnyis kyi dkyil 'khor du dbang bskur ba dang / kye rdo rje'i man ngag lugs kyi dbang dang / mkhan chen thams cad mkhyen pa ngag dbang chos grags kyis mdzad pa'i lam 'bras kyi skor gsung ngag khog phub/ sngon 'gro snang gsum dang / dngos gzhi rgyud gsum gyi khrid/ dam tshig rnam bshad/ phyi dkyil dang / lus dkyil rnam bshad/ sems bskyed cho ga /slob ma rjes 'dzin/ tshar gsum khug pa'i byin rlabs/ lam dbang gi mtha' dpyad dang zur 'debs/ aShta'i bzlas lung / bir srung byin rlabs ngor chen gyis mdzad par zur 'debs dang bcas pa/ bdag med ma/