[A:209] lam zab phyi nang / bla ma rin 'byung / brda don gsal ba/ lam sbas bshad/ brda chig brgyud/ sgrub pa lung sbyin/ gsang bcu'i rgyas gdab rnams kyi byin rlabs bya tshul mtha' dpyad dang bcas pa/ kun mkhyen bsod nams seng ges mdzad pa'i rnam 'joms bir lugs kyi byin rlabs/ bir srung nang ma'i byin rlabs/ lam 'bras lugs kyi mgon rkyang gi rjes gnang bya tshul rnams kyi lung dang bcas pa dang / sngags 'chang bdud kyi stobs 'phrog ngag dbang kun dga' rin chen gyi drung nas/ ngag dbang kun dga' blo gros kyi yig cha ltar gter ston rgod ldem can gyis zab gter nas spyan drangs pa'i tshe dpag med lcags sdong ma'i dbang bskur ba phyag len shin tu rgyas pa'i lugs dang / lam 'bras bla mchod dngos grub rin po che'i bang mdzod tshar chen yab sras kyis mdzad pa dang / slob dpon rin po che bsod nams rtse mo'i rnam thar tshar chen gyis mdzad pa/ des mdzad pa'i bla ma lnga bcu pa'i 'grel pa/ des mdzad pa'i rdo rings pa'i sku bstod mtha' yas ma dang / bdag chen rdo rje 'chang gi rnam thar tshar chen gyi mdzad pa nas/ zhwa lu mkhan chen gyi rnam thar lnga pa rin po ches mdzad pa'i bar gyi lam 'bras slob bshad lugs kyi bla ma brgyud pa rnams kyi rnam thar gyi lung rnams dang / 'jam mgon ngag gi dbang po rdo rje rin chen gyi drung nas/ rje btsun 'jam pa'i dbyangs kyis bla ma sa skya pa chen po la dngos su gnang ba'i blo sbyong zhen pa bzhi bral kyi khrid dang / sgrol dkar 'od zer drug sbrag gi rjes gnang thun mong ma yin pa dang / rdo rje 'jigs byed sa lugs lha dgu'i dkyil 'khor du dbang bskur ba dang / rwa tshar gnyis kyi bzhed pa thun mong ma yin pa 'jigs byed lha bcu gsum ma'i dkyil 'khor du dbang bskur ba dang / dpyal pa'i lugs