[A:210]kyi phag mo bden gnyis ma dang / dbu bcad ma dang / don grub ma ste gsum gyi byin gyis brlabs pa dang / rong ston smra ba'i seng ge la grub chen ti phu pas stsal ba'i tshe sgrub zhag bdun ma'i nyams len dang / brgyud 'debs tshar chen gyis mdzad pa'i lung / dpal kye rdo rje Dombi lugs lha dgu dang / mtsho skyes lugs kyi kye rdo rje lha dgu dang / nag po dam tshig rdo rje'i lugs kyi dpal kye rdo rje sku gsung thugs snying po kye rdo rje dang bcas pa rnams dang / grub chen birWa pas nag po pa la stsal ba'i kye rdo rje man ngag lugs te kye rdor bka' babs bzhir grags pa rnams kyi dbang bskur ba dang bcas pa dang / sngags 'chang bla ma thams cad mkhyen pa ngag dbang bkra shis rin chen las/ dpal sa skya pa'i gser chos mchog bsgrubs pas thun mong zhar las 'byung ba dmar mo skor gsum gyi dpe bum rmor chen chos kyi rgyal pos bsgrigs pa dang / de'i kha skong gi skor dang bcas pa/ sa skya pa'i gser chos thun mong bsgrubs pas mchog zhar las 'byung ba dmar po skor gsum gyi dpe bum tshar chen chos kyi rgyal pos bsgrigs pa dang / de'i kha skong 'jam mgon kun blos bsgrigs pa rnams kyi lung dang / rje btsun mkha' spyod dbang mo 'chi med bstan pa'i nyi ma las/ ngag dbang mchog legs rdo rje'i yig steng nas seng gdong dmar mo'i rjes gnang lung dang bcas pa/ gser chos seng gdong sngon mo'i las tshogs rnams kyi lung dang / 'jam mgon dngos grub dpal 'bar gyi drung nas/ 'jam dkar ma ti lugs kyi rjes su gnang ba dang / kun dga' rin chen gyis mdzad pa'i tshe dbang grub rgyal ma'i yig cha'i lung rnams gsan te mdor na mang du thos pa rgya mtsho'i pha rol tu son par mdzad do/ /de ltar gsan pa'i chos rnams kyang thos lo tsam du ma bzhag par bsams pa las byung ba'i