[A:213]lo/ /de'i dang po ni/ 'di ltar rjes su thos te/ de'ang dgung lo so gnyis pa me yos lor/ mdo smad sde bzhi dang dge bcu'i dpal gyis mngon par mtho ba'i rgyal khab nas stobs kyi 'khor los sgyur ba chos rgyal chen po tshe dbang rdo rje rig 'dzin pas khu bo mkhan chen rdo rje 'chang chen po de nyid spyan 'dren pa'i pho nya'i tshogs rnams rim bzhin 'byor par brten/ rje 'di dgung lo so gsum pa sa 'brug hor zla drug pa'i nang khu bo mkhan chen rdo rje 'chang ston 'khor rnams dpal e wa~M chos ldan nas chibs bteg /rje 'dis kyang lha chung bar phebs skyel zhus pa dang chabs cig sku yon gyi 'phro 'ga' zhig gzigs pa dang / dbang lung gi 'phro kha cig kyang zhu ba'i slad du lo gnyis gsum las mi 'gyang bar mdo khams su zhabs pad rin po che bsnyen pa'i phyir bcar chog par gsol zhing / de skor gyi thugs brel rnams rim gyis bcad/ don du gnyer ba 'ga' zhig gi ngor sgrub thabs brgya rtsa dang / snar thang brgya rtsa rnams kyi rjes su gnang ba dang / bde dgyes gsang gsum gyi dbang la sogs pa mdor na gdul bya rang rang gi mos pa dang bstun pa'i chos kyi bdud rtsi'ang snga phyir ci rigs par stsal/ tsha rong chu tshan du tshar gnyis tsam phebs pa ma gtogs gzhan ngor rang du bzhugs/ dgung lo so drug pa lcags lug lo'i hor zla bcu gnyis pa'i nang tsam la mdo khams su 'byon rgyu'i dgongs pa gtad de/ de skor gyi nyer bsdogs 'ga' zhig kyang brtsams pa dang / khyad par lo de'i hor zla bdun pa'i nang dpal e wa~M chos ldan gyi lha khang khag rnams su mchod 'bul rgya che ba dang chabs cig rten gsum rnams zhib par mjal te/ dar gos gya nom pa mang po phul zhing smon lam 'debs par mdzad pa'i tshe/ lam 'bras lha khang du phebs te ngor chen gyi 'dra sku rin po cher snyan dar 'bul bar brtsams pa na/ rje 'di'i dag pa'i gzigs