[A:216]tu dka' bar snang na'ang / re zhig bya ba'i khur 'di dag bzod par bgyis te bstan pa dang sems can la ci nus kyis phan pa bsgrub par bya'o snyam du dgongs nas rim gyis zhal gyis 'ches te/ dus phun sum tshogs pa legs sbyar gyi skad du pra dzwa pa ti zhes pa bod skad du skyes bdag ste ljongs 'dir dbang thang dang bstun pa'i ming lcags mo lug gi lo'i rgyal gyi zla ba'i 'phel phyogs kyi gral tshes bco lnga'i nyin/ gnas phun sum tshogs pa yon tan rin po che du ma'i 'byung gnas dpal e wa~M chos ldan gyi gtsug lag khang chen por/ ston pa phun sum tshogs pa nges pa'i don du gzod ma nas sku bzhi ye shes lnga'i khyab bdag mi slob pa'i zung 'jug rdo rje 'chang chen po'i go 'phang mngon sum du brnyes su zin kyang / thun mong gi gdul bya rnams drang ba'i slad du rgyal ba'i myu gu gsar pa'i tshul gyis rnam par rol pa na/ rang don du tshul gnas gsan bsam sgom pa'i yon tan yongs su rdzogs/ gzhan don du 'chad rtsod rtsom pa'i phrin las la dbang 'byor/ gnyis ka'i don du mkhas btsun bzang gsum dang mkhyen brtse nus pa'i rnam thar mkha' khyab tu snang ba'i theg pa mchog gi bshes gnyen 'gran pa'i zla thams cad dang bral ba gang nyid/ 'khor phun sum tshogs pa snang ba'i 'khor 'phags pa'i dge 'dun rab tu mang po dang / mi snang ba'i 'khor 'jig rten dang 'jig rten las 'das pa'i tshogs dpag tu med pa dang bcas pas byon te/ mi 'jigs pa bzhi la mnga' brnyes pa'i brdar seng ges bteg pa'i rin po che'i khri chen po ga la bar/ zhabs mthil 'khor lo'i re khA rnam par bkod nas/ ji ltar 'char ka'i nyin mor byed pa thun mtshams kyi chu 'dzin gzhon nus mdzes par spud pa bzhin du srid pa gsum gyi gzi brjid ma lus pa gcig tu spungs pa ltar lham mer bzhugs pa na/ 'di ltar mi mjed kyi bdag po tshangs pa dang / lha'i dbang