[A:217]po brgya byin gyis bcom ldan 'das la chos kyi 'khor lo bskor bar gsol ba btab pa dang tshul mtshungs par/ chos phun sum tshogs pa dus gsum gyi rgyal ba sras dang bcas pa thams cad kyi bgrod pa gcig pa'i nor bu'i them skas gsung ngag rin po che lam 'bras bu dang bcas pa gtso bor gyur pa'i theg pa gsum gyi gzhung dang gdams ngag gis mtshon rgyal ba'i bstan pa yongs su rdzogs pa'i dam pa'i chos kyi 'khor lo'i seng ge'i sgra chen po sgrogs par gsol ba gdab pa'i slad du/ sa bzang 'phags pas ngor chen rdo rje 'chang chen por stsal ba'i chos kyi dung dang / lam 'bras glegs bam pod ser ma rje btsun rin po che'i phyag dpe 'khrul med dang / bkra shis pa'i rdzas brgyad la sogs pa sngon du 'gro ba'i sgo nas dpal ldan sa skya'i legs 'bul dang / ngor gyi bla brang khag lnga dang / khang tshan bcu gcig dang / gzhan yang grwa rigs sbyin bdag gi tshogs thams cad kyis kyang rang rang gi 'byor pa dang bstun pa'i legs 'bul gyi dngos po rgya che ba dang bcas te/ snyigs dus kyi rgyal ba gnyis pa ngor chen rdo rje 'chang kun dga' bzang po'i chos kyi rgyal srid chen por yongs su mnga' gsol ba'i skal ba bzang po'i nyi ma gsar du shar bar gyur to/ /de ltar bgyis pa'i dge tshogs thams cad kyang bar ma dor chud mi 'dza' ba'i slad du 'phags dang mkhas pa dgyes pa'i legs bshad kyis mtshams sbyar te byang chub snying por yongs su bsngo ba'i rgyas gdab par mdzad cing / gzhan yang ngor chen rdo rje 'chang chen pos gdul bya skal ba dang ldan pa rnams kyi rgyud ma smin pa smin par byed pa'i gnas dbang khang du grags pa dang / de'i yang steng g.yabs chen du grags pa bcas kyi bzhugs khri so so'i steng du'ang khri 'bul zab rgyas dang bcas te yongs su mnga' gsol zhing / de dag gi dus kyi tshe nam