[A:220]lung la sogs pa mdor na gdul bya so so'i bsam pa dang mthun par zab pa dang rgya che ba'i chos kyi 'khor lo rgyun chad med par bskor te/ skal ba dang ldan pa'i gdul bya rnams kyi rgyud ma smin pa smin par byed pa dang / smin pa rnams grol bar mdzad de 'khor ba dang ngan song gi sgo ni bkag pa bzhin du gyur/ mngon mtho dang nges legs kyi sgo thams cad ni dus gcig tu phye ba bzhin mdzad pa yin no/ /chos kyi 'khor lo bskor ba de dag kyang bstan 'gro'i don 'ba' zhig la dgongs te phyag len phra zhing phra ba tshun chod kyang sla chos su ma song bar mdzad cing / gzhan rnams la'ang de ltar bya dgos pa'i bca' ba dam po mdzad pa ni bstan pa'i gsos su smin pa'i rnam thar ngo mtshar ba zhig go /dgung lo so bdun pa chu sprel lo'i hor zla lnga pa'i mjug tsam na 'og min gnyis pa dpal ldan sa skya'i chos grwa chen por khri mjal la phebs te/ sa skya gzhung du maNDal sngon du 'gro ba'i sku gsung thugs kyi rten rnams dang / dar/ ras/ ling / gos chen yug ba ma la sogs pa'i tshan grangs mang po dang / mchod cha'i skor sna tshogs pa dang / ma hA tsi na'i yul gyi ljon 'dab 'khor drug bco lnga dang / rgya dngul 'degs srang lnga bcu tham pa dang / chibs pa gnyis dang bcas pa'i dngos 'bul rgya che ba dang / 'jam mgon khri chen rin po che ngag dbang kun dga' bkra shis mthu stobs bstan 'dzin bzang po pa dang / sngags 'chang grub pa'i dbang phyug ngag dbang kun dga' rin chen pa dang / mtha' klas 'gro ba'i skyabs gcig mgon po dngos grub dpal 'bar ba dang / lung rig smra ba'i gtsug rgyan 'jam mgon kun dga' rgyal mtshan pa rnams kyi sku sger so sor bkra shis pa'i lha reg sngon du 'gro ba'i tshan grangs kha shas dang / ljon 'dab 'khor drug lnga re dang / sa skya zhabs pad par ljon 'dab 'khor lnga dang / rje btsun ma so sor ljon 'dab 'khor drug re re bcas dang / gzhan yang gsol