[A:222]dang / tshe dpag med lha dgu'i dbang la sogs pa gsan cing / yon mchod gnyis char thugs yid gcig 'dres lta bur gyur pa yin no/ /mdor na gdan sa zhal 'dzin lo bcu'i ring la/ gtso bor dge 'dun gyi sgrig lam bsrung ba dang / dus dang khyad par gyi dgon pa'i gtong sgo gtang rgyu rnams kyang sngar rgyun las nyams chag spu tsam yang ma song ba'i steng gong nas gong 'phel du mdzad pa dang / sngar bla khag rim can gyis nyams gso ma byung ba'i sa mchod chen mo'i skabs khyer rgyu'i gos chen gyi 'phan 'dugs rgyal mtshan la sogs pa'i yo byad rnams dang / gtsug lag khang dang / mgon khang shar nub dang / lam 'bras lha khang bcas kyi gtsos pa'i lha khang khag rnams kyi dngos chas rigs gsar du bzo dgos gras gsar bzos dang / nyams gso dgos rigs rnams la nyams gso sogs bstan pa'i nyams la phan nges pa 'ba' zhig mdzad pa dang / lha khang khag thams cad la'ang rab tu gnas pa'i cho ga shin tu rgyas pa'i sgo nas dam tshig pa dang ye shes pa dbyer med du bsres te byin rlabs kyi gzi 'od 'bar bar mdzad pa dang / lo re bzhin lha khang khag rnams su bla ma mchod pa dang / gnas brtan cho ga sogs dang 'brel bar spos mar me zhal zas rnams re re nas stong phrag tu longs pa re phal cher chag med du mdzad pa dang / khyad par lcags 'brug hor zla dang po'i nang rje 'di'i mnal lam du/ ngor gyi rgyab ri rtse nas rtsa ba'i bar zhig pa dang / thar rtse'i pho brang rtse nas rtsa ba'i bar gas pa sogs byung ba dang / dngos su'ang ngor chen gyi 'dra skus spyan chab gsil ba dang / gzim chung nub kyi zhal 'bag rnams kyi dbu rgyan thod skam rnams don med du sa la lhung ba dang / thugs dam gtor ma'i rgyan rnams kyang don med du lhung ba sogs mi dge ba'i mtshan ma mang du byung ba ltar/ khams nas khu bo mkhan chen rdo rje 'chang de nyid zhi bar gshegs pa'i