[A:229]du phebs/ 'jig rten gsum gyi mchod sdong bla na med pa jo shAka rnam gnyis kyi dbus rten gsum rnams la mchod 'bul dang smon lam sogs rgyas par mdzad/ de skabs rgyal dbang thams cad mkhyen pa'i mchog sprul tshul khrims rgya mtsho thog mar ngo 'dzin byed skabs su song gshis ma mjal la/ rgyal tshab tshe smon gling pa sogs zhib mjal zhus te rim gyis chibs bteg /mar lam phu mdo lcags zam skor du zhag gcig bzhugs skabs rje 'dis do nub rang re rnams la chom rkun gyis nyer 'tshe 'dra 'ong las che bas bag yod par gyis shig ces bka' stsal ba ltar/ zhabs 'bring ba rnams kyis kyang dran shes bzhin dang ldan pa'i sgo nas de nub sgar gyi mtha' bskor te nyal ba sogs byas kyang ji skad du/ 'bab chu ji ltar bzlog gyur kyang / /thur du 'bab pa kho nar 'dod/ /ces pa ltar de nub chom rkun gyis rje 'di'i chibs pa dang / phyag mdzod pa'i rta gnyis khrid tshar 'dug pa/ phyi nyin phyogs mtha' dag tu btsal rung ma rnyed pa la/ rje 'dis phyag mdzub gtad de/ ri pha ka'i rgyab tu 'tshol zhig dang nges par rnyed las che'o/ /zhes bka' stsal pa bzhin mdzod pa nor ldan shes rab bzang po dang / rje drung bzang po blo gros gnyis 'tshol du byon pas ri de'i rtsa ba na hor pa'i tshong pa 'ga' zhig gi sgar shin tu che ba zhig snang zhing / de nas yar byon pas ri'i sked pa tsam na sus kyang mi mthong ba'i ri sul zhig tu chibs pa gnyis kyi gdong dang rkang lag thams cad thag pas bcings te bzhag 'dug skad/ de nas khong dag gis chibs pa gnyis khrid nas tshur byon pas der yod pa'i skye bo thams cad kyi blo la snga na med pa'i dad pa dang spro ba cig car du 'phel par gyur to zhes grags shing / gtam 'di ni thams cad la mngon sum tshad mas grub pa zhig go /de nas rim gyis