[A:238] rje nyid kyis kyang thugs bskyed kyis khyab pas sngon mkhan chen 'jam pa'i dbyangs sangs rgyas phun tshogs dang / rjes su grub dbang kun dga' blo ldan sogs dam pa du ma'i bzhugs gnas ri khrod drA ma sgang du/ rgyud sdom pa gsum gyis bsdams shing / dpal sa skya'i snyan brgyud zab mo'i nyams len thun bzhi'i rnal 'byor la khor yug tu brtson pa'i rig pa 'dzin pa'i sgrub grwa gsar du btab pa da lta'i bar gong 'phel du gyur pa dang / dpal ldan lhun grub steng gi chos grwa chen po'i gtsos sa dgon phal che bar rim gnyis kyi nyams len dang / cho ga'i phyag len sogs ma dag pa rnams dag par bya ba dang / dag pa rnams gong nas gong 'phel du mdzad pa yin no/ /'phags rnams bzhugs pa'i sa phyogs ni/ /yid srubs dpung las rnam rgyal te/ /padmo'i rtsa lag shar ba na/ /mun pa'i tshogs kyis brdzi nus sam/ /de slad nam mkha'i mtshan can gyi/ /smra ba'i nyi ma nub gyur kyang / /chos kyi zla 'di spyan 'dren slad/ /mi bdag blo gros de rjes song / /gang de'i bzhed don myur sgrub pa'i/ /pho nya'i tshogs rnams nyer lhags te/ /smra mkhas 'jam dpal dbyangs bzhin du/ /spyan 'dren gtam gyi rgyud mangs len/ /gzhan las phan phyir rang srog kyang / /bzhi mdo'i rtswa bzhin 'dor byed pa'i/ /sman mdzad de yi ye shes ni/ /bod chen ljongs su gzigs par gyur/ /de nas dus la bab pa'i tshe/ /thub dbang 'khor gyis bskor ba ltar/ /dal gyis gshegs par gyur pa na/ /gtsang phyogs mun pa'i gling bzhin gyur/ /bsod nams ldan pa'i mi rnams dang / /dkaraphyogs skyong ba'i srung ma gnyis/ /phan tshun ngo mtshar phung po la/ /'gran pa bzhin du bsu bar byed/ /mi bdag la thod g.yo ba'i rtser/ /zhabs sen zla tshes rnam bkod pas/ /phyogs der nyer 'tshe'i dogs