[A:446]nyer bkod pa'i/ /mdo smad ljongs kyi pho nya slebs/ /de tshe mgon po mchog nyid kyi/ /ye shes me long dwangs pa'i mkhar/ /bod chen 'dren par gshegs bzhed pa'i/ /thugs bskyed gzugs kyi chu 'dzin bkod/ /de nas bcom ldan dgra bcom gyi/ /'khor gyis yongs su bskor ba ltar/ /dbang po gnas pa'i phyogs kyi sgor/ /nyi mas bzhin du mdzes par gshegs/ /bsam yas yon tan phung po yis/ /gser gyi ta la bzhin mtho ba/ /gang de chos kyi khri 'phang du/ /slar yang mtho ba nyid du bsgrubs/ /gang gi grags pa zla 'od ltar/ /dkar ba yon tan la btags kyang / /sa la pho nya bzhin rgyu ba/ /skye rgu'i bsod nams lags par khums/ /'phags bod mkhas dang grub pa yi/ /mdzad pa gcig tu bsdus pa ltar/ /mkhyen brtse nus pa'i phrin las kyis/ /thub bstan srid pa'i rtse mor spel/ /rgyal ba rnams kyang btang snyoms su/ /zhi ba'i ngal 'tsho bstan dus 'dir/ /gcig tu 'gro la phan mdzad pa'i/ /dper 'os rang nyid las gzhan su/ /skad cig gcig la 'jig rten khams/ /brgya phrag spro dang bsdu nus na/ /rdo yi ngos su phyag mdzub kyis/ /yi ge bkod la mtshar ci zhig /'on te tshur mthong mgu ba'i slad/ /rdzu 'phrul cha tsam bstan pas kyang / /sngon byon grub brnyes brgyad cu bzhi'i/ /grags pa'ang nyams par byas kyis dogs/ /mkhas dang grub pa'i rtser son kyang / /gsan sgom ngoms pa med 'di mtshar/ /'on te rgya mtshos chu phran kun/ /sdud la tshim pa nam zhig mthong // //gsum pa dbus gtsang dag pa'i zhing du bsnyen bkur rgya cher bstabs te rang gnas gdan sa chen por zhabs bkod de bstan 'gro'i don ji ltar mdzad pa'i tshul ni/ spyir bdag cag gi dpal ldan bla ma dam pa yon tan ma lus