[A:447]pa'i phung po chen por gyur pa 'di ni mkhyen brtse nus gsum gyi yon tan bsam gyis mi khyab pa la dbang 'byor par ma zad/ rtag par chos bzhin spyod pa kho na las/ 'jig rten chos brgyad la sogs pa dgos med tshe 'di'i bya ba phra zhing phra ba'ang mi mdzad cing / de'i phyir skye bo rtog dpyod dang ldan pa rnams kyis ji tsam brtags kyang yon tan du snang ba kho na las/ skyon du mngon pa gcig kyang mthong ba med la/ de la brten nas khams bod kyi ljongs su 'khod pa'i skye bo thams cad kyis kyang nges par 'brel tshad don dang ldan pa'i sangs rgyas dngos kyi 'du shes byed cing / zang zing gi 'bul ba'ang dbyar gyi chu 'dzin bzhin du 'khrigs par gyur mod/ de dag la mngon par zhen pa cung zad kyang mi mnga'/ 'on kyang skye bo ngan pa'i spyod tshul ltar gyi rang gi 'khor dang nye 'brel la sogs pas sbyin bdag gi dad rdzas la 'bag chol du longs spyod du 'jug pa dang / rang nyid bzang por bsgrub pa'i slad du dgos med kyi thabs skyong dang / rnyed pas rnyed pa 'tshol ba dang / rab tu byung ba'i yo byad kyis khyim pa rnams kyi sems 'dzin pa la sogs pa log pa'i 'tsho ba dang / ma dag pa'i sbyin pas rang gzhan thams cad nyes dmigs chen po la sbyor ba la sogs pa'i spyod tshul ngan pa mtha' dag rgyang ring du dor nas/ dad pa can gyi yo byad rnams chud mi za zhing lag len byed pa thams cad la'ang nyes pa mi 'byung ba'i slad du dam gnyer gyi sgo nas yul mchog tu gyur pa bla ma dang dkon mchog /bstan pa dang sems can gyi ched du bsngo ba'i tshe phangs pa til 'bru tsam yang mi mnga' bar/ de kho na'i ched du lhug par gtong bar mdzad pa yin te/ de'ang sngar khu bo mkhan chen rdo rje 'chang chen po de nyid kyi zhal snga nas/