[A:448] gsar du bzo ba las kyang rnying pa la nyams gso byed pa nyid legs zhes bka' stsal pa thugs la bzhag ste/ sngon bod du bzhugs pa'i dus su'ang sku gsung thugs kyi rten rnying pa rnams la nyams gso kho na gtso bor mdzad cing / de rjes mdo khams su phebs nas kyang e wa~M bla brang gzhung gi gzim chung g.yabs chen sogs kyi nyams gso'i zhal 'debs su rgya dngul 'degs srang lnga bcus gtso byas pa'i yo byad 'ga' zhig bskur bar mdzad pa dang / gling mgo zi dgon du khra leb chos rje rim bzhugs kyi sgar khang rnying pas g.yos kyis zhig par gyur pa'ang gsar du bzo bar mdzad pa dang / sga stod phyogs kyi chos grwa chen po skye rgu don grub gling pas 'du khang steng du gser zangs kyi rgya phibs gsar bzhengs byed pa'i tshe'ang rje 'dis zhal 'debs rgya dngul 'degs srang lnga bcu stsal ba sogs de 'dra'i rigs mang zhing / gzhan yang khams phyogs kyi dgon sde 'ga' zhig tu gtan gzhag che chung ci rigs pa stsal ba dang / gsar bzos kyi rigs kyang gser zangs las grub pa'i sku 'dra che chung 'ga' zhig dang / bris thang kha shas dang / gsung rten dang / thugs rten kyang ci rigs par bzhengs pa dang / snga phyir mchod pa'i yo byad gsar bzos mdzad pa'ang shin tu mang bar yod la/ dkon mchog gi mchod pa dang dge 'dun gyi bsnyen bkur yang sngon khu bo mkhan chen rdo rje 'chang chen po de nyid kyis spos dang mar me la sogs pa 'di dge ba rjes med lta bu yin pas shin tu legs zhes gsungs pa la brten nas/ de phyin chad khams bod thams cad du rje rang gi bzhugs gnas gzim chung kun tu mar me nyin mtshan khor yug tu skad cig kyang rgyun ma chad par mdzad pa dang / khams bod kyi rten gsum khyad par