[A:449]can rnams mjal ba'i tshe'ang snga phyir mchod 'bul rgya che bar mdzad pa dang / zla ba byung ngo cog gi nya stong tshes brgyad phal che bar yang mchod 'bul zab pa dang bcas te dge slong 'ga' zhig gis bla ma mchod pa sogs gsung ba dang / khyad par khu bo mkhan chen rdo rje 'chang chen po de nyid zhi bar gshegs pa'i dus chen cho 'phrul zla ba'i tshes nyi shu'i nang du nyin lnga drug re la brgya mchod dang bcas te rje rang dang dge slong bzang gras kha shas kyis bla ma mchod pa sogs gsung ba dang / skabs skabs su dge slong mang rab kyis rgyal ba'i bka' 'gyur ro cog bklag pa dang / sde dge lhun grub steng du lo re bzhin hor zla bcu gnyis pa'i dmar phyogs kyi rdzogs pa gsum pa'i nyin drug 'du'i dbu bzhugs su yin gyis dgon de'i 'dus tshogs su tshe chog dang / mgon khang khag rnams su skong ba dang / chos sgrogs pa mang pos gsung rab bklag pa dang / der 'dus pa'i gsang sngags rnying ma'i bla ma dge slong sngags pa bcas la'ang phyag 'gyed dang rnam gzhag sogs gtong ba'i rgyun mchis pa rnams kyang ma chad par yar ldan du mdzad pa sogs mdor na dus rtag tu rnam dkar gyi phyogs su gtong ba'i sgo 'phar dbye bzhin pa dang / khyad par sbyin bdag gi dad rdzas mtha' dag chud zos su ma song bar dbus gtsang dag pa'i zhing du bsnyen bkur rgya cher stob pa dang / rje rang nyid kyang dus rtag tu tshe 'dir snang gi rnam g.yeng dang 'du 'dzi la gtan nas mi dges shing / dben pa kho nar thugs dam la gzhol ba la thugs 'dun rtse gcig tu mdzad pa'i stobs kyis lo snga ma me rta dang / me lug rnams su sde dge chos rgyal chen por bod du 'byon chog pa'i dgongs khrol yang yang zhu bar mdzad na'ang de