[A:355] der ma zad dus gsum gyi sangs rgyas thams cad kyang tshul khrims kyi bslab pa 'di kho na la brten nas byang chub kyi bdud rtsi mngon du bzhes pa yin la/ rgyu mtshan de'i phyir na rab tu byung ba'i brtul zhugs myur du len par bya'o snyam pa'i rgyu'i kun slong zla ba 'bum phrag 'char pa'i gzi brjid kyis kyang mtshon par mi nus pa thugs kyi dbus su shar te/ dgung grangs bcu gsum pa lcags bya hor zla gnyis pa'i gza' skar mchog tu dge ba'i nyin/ brtan mkhas kyi yon tan gnyis dang ldan pa'i mtshungs med chos kyi rje mkhas grub ngag dbang dam chos pa'i zhal snga nas kyi mkhan po dang / mkhas btsun bzang gsum gyi yon tan mang pos mngon par mdzes pa byams pa bsod nams dpal 'byor pas las kyi slob dpon la sogs pa mdor na dad pa'i dge 'dun bcu'i dbus su rje 'di dang / dung 'bud sprul sku dpal ldan bkra shis dang / khang gsar rje drung bstan 'dzin bzang po gsum gyis dge bsnyen gyi sdom pa len pa sngon du 'gro ba'i sgo nas khyim pa'i rtags dang cha lugs mtha' dag bdud rtsis bkrus pa'i dri ma bzhin du bsal ba dang / rab tu byung ba'i rtags dang cha lugs thams cad ngang pas chu las 'o ma len pa bzhin du yang dag par blangs te tshigs snga ma dge tshul gyi sdom pa rnam par dag pa legs par bzhes par mdzad do/ /dus de nyid nas bzung ste dge tshul gyi bslab pa'i gzhi bcu char gtogs dang bcas pa thams cad kyang srung sdom gyi ra ba las nam yang mi 'da' bar mdzad pa yin no/ /de skabs rje 'di dang / rje 'di'i sku mched chung ba tshe dbang rdo rje gnyis ka bla ma mdzad rtsis yin pa la/ de rjes khu bo mkhan chen rdo rje 'chang chen po de nyid mdo khams nas e wa~M du byon pa'i skabs/ rje 'di la byis pa che ba 'di btsun 'dog pa zhig 'dug pas bla ma byas/ chung ba 'di grwa pa zhig byas te